Pariri Dwar Vjaġġar

Introduzzjoni

Il-Ministeru għall-Affarijiet Barranin u l-Promozzjoni tal-Kummerċ joffri pariri dwar vjaġġar fuq is-sit elletroniku tiegħu biex il-pubbliku ġenerali jkun infurmat dwar xi kundizzjonijiet eżistenti barra minn Malta li jistgħu jaffettwaw is-sigurta’ ta’ ċittadini Maltin li qed jivvjaġġaw, jaħdmu jew jgħixu barra. 


X’inhu l-Parir dwar Vjaġġar?

Parir dwar vjaġġar jagħti tagħrif dwar is-sigurta’ f’pajjiżi partikolari. Huwa maħruġ fuq bażi ta’ żviluppi dwar is-sigurta’ madwar id-dinja. Il-pariri dwar vjaġġar huma riveduti u aġġornati skont tibdil fil-livell ta’ riskju għaċ-ċittadini Maltin. 

Il-Pariri dwar vjaġġar huma kategorizzati f’livelli differenti skont valutazzjoni globali tas-sigurta’ fuq il-post fil-pajjiż ikkonċernat. Għalhekk jista’ jkun hemm livelli differenti ta’ sigurta’ għal reġjuni differenti fl-istess pajjiż. 

Attwalment wieħed jista’ jsib pariri dwar vjaġġar għall-pajjiżi li ġejjin: 
(Għafas fuq l-isem tal-pajjiż għal tagħrif iktar dettaljat) 

Pajjiż L-aħħar li ġie aġġornat

l-Alġerija 25/10/2017

Eżerċita livell għoli ta' prudenza

Minkejja l-fatt li l-awtoritajiet Alġerini huma involuti f'diversi attivitajiet ewlenin kontra t-terroriżmu, l-Alġerija għadha esposta għal theddid terroristiku. Dan huwa partikolarment minnu minħabba l-instabbiltà fir-reġjun Sahel u s-sitwazzjoni tas-sigurtà fil-Libja u fit-Tuneżija. F'dan ir-rigward, kwalunkwe ċittadin Malti li sejjer lejn u/jew li jinsab fl-Alġerija għandu jevita l-ivvjaġġar kollu lejn żoni f'distanza ta' 30 km mill-fruntiera mal-Libja, il-Mauritania, il-Mali u n-Niġer, u f'distanza ta' 30 km mill-fruntiera mat-Tuneżija fil-provinċji ta' Illizi u Ouargla u fiż-żona tal-muntanji ta' Chaambi. Barra minn hekk, il-Ministeru jwissi kontra l-ivvjaġġar kollu ħlief dak essenzjali f'distanza ta' 3 km mill-bqija tal-fruntiera mat-Tuneżija. Il-ħtif ta' barranin għadu theddida attiva fl-Alġerija, b'mod partikolari fil-fruntiera tan-Nofsinhar. Wieħed għandu jiżgura li jeżerċita viġilanza kontinwa l-ħin kollu, u josserva s-sitwazzjoni permezz tal-aħbarijiet u tal-midja lokali. Ġeneralment huwa sikur li wieħed idur fl-Alġier u fil-bliet prinċipali l-oħra, imma l-ivvjaġġar barra mill-bliet f'żoni rurali u billejl huwa partikolarment riskjuż. Il-vjaġġaturi huma mwissija wkoll b'enfasi qawwija biex iġorru magħhom il-passaport u xi forma ta' identifikazzjoni fotografika l-ħin kollu. Polza ta’ assigurazzjoni komprensiva hija wkoll ferm rakkomandata.

Fil-każ ta' diffikultà fil-pajjiż, iċ-ċittadini Maltin jistgħu jikkuntattjaw lill-Konsulat tar-Repubblika ta' Malta fuq id-dettalji ta' kuntatt li ġejjin: Is-Sur Jerome Spiteri, Konslu, 26, Rue des Freres Boufattit, El Biar, Algiers, 16034, Algeria
Telefon: 00213 (0) 21929717
Posta elettronika: maltaconsulate.algiers@gov.mt

Wieħed jista' wkoll jagħmel kuntatt mal-Ministeru għall-Affarijiet Barranin u l-Promozzjoni tal-Kummerċ permezz tat-telefon (+356) 21242191.

l-Angola 01/11/2017

Evita kull safar jekk mhuwiex meħtieġ

Evita l-ivvjaġġar kollu ħlief dak essenzjali lejn ċerti żoni tal-pajjiż, minħabba ż-żieda fil-prevalenza ta' kriminalità vjolenti u ta' ħtif tal-barranin. Evita l-ivvjaġġar kollu ħlief dak essenzjali lejn il-provinċja ta' Cabinda u l-provinċja ta' Lunda Norte. Evita laqgħat tal-massa u dimostrazzjonijiet politiċi, kun viġilanti u segwi l-istruzzjonijiet tal-awtoritajiet tas-sigurtà lokali. L-ivvjaġġar billejl jista' ma jkunx sikur, u hemm il-periklu minn mini splussivi u materjal militari li ma splodewx jekk l-ivvjaġġar ma jsirx fit-toroq prinċipali, b'mod partikolari barra mill-belt kapitali Luanda. Minħabba rapporti ta' bosta każijiet ta' deni isfar is-sena l-oħra u xi każ tal-vajrus zika, it-tilqim kontra l-mard li jinġarr min-nemus huwa rakkomandat. Kun ċert li tkun kopert minn assigurazzjoni tal-ivvjaġġar komprensiva.

Billi Malta m'għandhiex rappreżentanza diplomatika fl-Angola, fil-każ ta' diffikultà, iċ-ċittadini Maltin jistgħu jikkuntattjaw lill-Ministeru għall-Affarijiet Barranin u l-Promozzjoni tal-Kummerċ fuq il-koordinati li ġejjin: Ministeru għall-Affarijiet Barranin u l-Promozzjoni tal-Kummerċ, Palazzo Parisio, Triq il-Merkanti, Valletta, Malta
Nru tat-telefon (+356) 21242191
Posta elettronika: consular.mfa@gov.mt

Wieħed jista' wkoll jagħmel kuntatt mal-Ministeru għall-Affarijiet Barranin u l-Promozzjoni tal-Kummerċ permezz tat-telefon (+356) 21242191.

il-Bahrain 01/11/2017

Eżerċita livell għoli ta' prudenza

Il-kundizzjonijiet tas-sigurtà lokali sofrew deterjorament notevoli minħabba numru ta' inċidenti vjolenti fil-pajjiż. Għad hemm ukoll ir-riskju tat-terroriżmu. Għalhekk, għandek tevita kwalunkwe dimostrazzjonijiet pubbliċi jew postijiet iffullati. Żomm ruħek regolarment aġġornat dwar is-sitwazzjoni tas-sigurtà permezz tal-midja lokali u internazzjonali u segwi l-pariri tal-awtoritajiet lokali. Il-gvern tal-Bahrain impona curfew fuq il-passaġġi fuq l-ilma madwar il-Bahrain bejn is-6pm u l-4am. Il-Bahrain ħabbar is-sospensjoni tar-relazzjonijiet diplomatiċi mal-Qatar, għalhekk ingħalqu l-fruntieri kollha tal-ajru u tal-baħar mal-Qatar. Kwalunkwe simpatija murija mal-Qatar fuq kwalunkwe forma ta' komunikazzjoni bil-midja hija meqjusa reat kastigabbli. Għandek tiżgura li tkun kopert minn assigurazzjoni tal-ivvjaġġar komprensiva.
Billi Malta m'għandhiex rappreżentanza diplomatika fil-Bahrain, fil-każ ta' diffikultà, iċ-ċittadini Maltin jistgħu jikkuntattjaw lill-Ministeru għall-Affarijiet Barranin u l-Promozzjoni tal-Kummerċ fuq il-koordinati li ġejjin: Ministeru għall-Affarijiet Barranin u l-Promozzjoni tal-Kummerċ, Palazzo Parisio, Triq il-Merkanti, Valletta, Malta
Nru tat-telefon (+356) 21242191
Posta elettronika: consular.mfa@gov.mt

il-Bangladesh 03/11/2017

Eżerċita livell għoli ta' prudenza

Kun estremament viġilanti f'żoni pubbliċi fid-dawl taż-żieda fit-theddid għall-viżitaturi mill-Punent. Evita l-ivvjaġġar kollu ħlief dak essenzjali lejn Chittagong Hill Tracts (ħlief għall-belt ta' Chittagong jew partijiet oħra mid-Diviżjoni ta' Chittagong) minħabba l-inkwiet ċivili. Barra minn hekk, għad hemm theddida kbira mit-terroriżmu fil-Bangladesh. Għalhekk, għandek tkun viġilanti f'żoni pubbliċi, b'mod partikolari meta żżur postijiet iffullati u turistiċi. Għandek issegwi l-pariri tal-awtoritajiet tas-sigurtà lokali u żżomm ruħek aġġornat dwar is-sitwazzjoni tas-sigurtà fil-pajjiż permezz tal-midja lokali u onlajn. Għandek toqgħod attent b'mod partikolari meta tivvjaġġa matul l-istaġun tal-monsun bejn Ġunju u Settembru. Huwa rakkomandat li jittieħdu l-prekawzjonijiet meħtieġa tas-saħħa fid-dawl tar-riskji mill-mard li jinġarr min-nemus. Huwa importanti li tkun kopert minn assigurazzjoni tal-ivvjaġġar komprensiva.

Fil-każ ta' diffikultà, iċ-ċittadini Maltin jistgħu jikkuntattjaw lill-Konsulat Ġenerali ta' Malta fil-Bangladesh fuq il-koordinati li ġejjin:

CHITTAGONG
Is-Sur Syed Mahmudul Huq, Konslu Onorarju
Arag Chambers (2nd Floor), 68 Agrabad Commercial Area, Chittagong
Telefon: 00880 (31) 721 882, 723 369
Faks: 00880 (31) 710 934        
Posta elettronika: maltaconsul.chittagong@gov.mt

DHAKA (b'ġurisdizzjoni fuq ir-Reġjuni Amministrattivi kollha tal-Bangladesh bl-eċċezzjoni ta' Chittagong)
Is-Sur M. Shoeb Chowdhury, Konslu Onorarju
House No: 21 (Third Level) Road : 17
Block : C Banani, Dhaka-1213,Bangladesh
Telefon: 00880-2982-1182/3/4
Faks: 00880-2982-1189
Posta elettronika: maltaconsul.dhaka@gov.mt

Wieħed jista' wkoll jagħmel kuntatt mal-Ministeru għall-Affarijiet Barranin u l-Promozzjoni tal-Kummerċ permezz tat-telefon (+356) 21242191.

il-Belġju 03/11/2017

Eżerċita livell għoli ta' prudenza

L-Awtoritajiet Belġjani ħadu bosta miżuri biex itejbu s-sigurtà fil-pajjiż wara numru ta' attakki terroristiċi. Il-livell tat-theddid ġenerali huwa ta' 3 (theddida serja u reali) għall-pajjiż kollu. Dan ifisser li t-theddida għadha meqjusa serja b'attenzjoni partikolari fuq iċ-ċentri u l-assi tat-trasport, kif ukoll miri faċli, bħal laqgħat tal-massa, lukandi kbar, ċentri kummerċjali, kwartieri tax-xiri, eċċ. Żomm ruħek viġilanti f'postijiet pubbliċi, b'mod partikolari meta żżur postijiet iffullati u segwi l-istruzzjonijiet tal-awtoritajiet tas-sigurtà lokali. Huwa rakkomandat li l-vjaġġaturi jippjanaw minn qabel u jippermettu żmien supplimentari għall-vjaġġ tagħhom lejn u/jew mill-ajruport ta' Brussell għall-iskrinjar tas-sigurtà. Il-vjaġġaturi għandhom jiżguraw li jkunu koperti minn assigurazzjoni tal-ivvjaġġar.

Fil-każ ta' diffikultà, iċ-ċittadini Maltin jistgħu jikkuntattjaw lill-Ambaxxata tar-Repubblika ta' Malta fi Brussell fuq il-koordinati li ġejjin: L-Ambaxxata tar-Repubblika ta' Malta, 25, Rue Archimède, B-1000 Brussels, Belgium
Telefon: 0032 (0)2 343 0195; 0032 (02) 238 2608
Mowbajl f'każ ta' Emerġenza: 0032 47 117 6896
Faks: 0032 (0)2 230 4583
Posta elettronika: maltaembassy.brussels@gov.mt

Wieħed jista' wkoll jagħmel kuntatt mal-Ministeru għall-Affarijiet Barranin u l-Promozzjoni tal-Kummerċ permezz tat-telefon (+356) 21242191.

Kongo, ir-Repubblika Demokratika 29/11/2017

Evita kull safar jekk mhuwiex meħtieġ

Minħabba l-volatilità tas-sitwazzjoni, evita għalkollox l-ivvjaġġar bla bżonn lejn ir-Repubblika Demokratika tal-Kongo. Is-sitwazzjoni politika għadha mhux prevedibbli wara t-tħabbira tal-elezzjonijiet li se jsiru f'Diċembru 2018. Dan wassal għal qawmien ta' inkwiet ċivili serju. B'mod partikolari, evita l-ivvjaġġar kollu lejn il-provinċji ta': Kasaï, Kasaï Central, Kasaï Oriental, Haut-Uele, Haut Lomami, Ituri, Kivu ta’ Fuq, Kivu t’Isfel, Maniema u Tanganyika, żoni fil-Punent u fil-Lvant ta' Kananga inklużi Tshikapa u Mwene-Ditu, u f'distanza ta' 50 km mill-fruntiera mar-Repubblika Ċentru-Afrikana u mas-Sudan t'Isfel u f'raġġ ta' 100 km mill-belt ta' Kananga. Evita l-ivvjaġġar kollu ħlief dak essenzjali lejn il-bliet ta' Goma u Bukavu u lejn id-distretti ta' N’djili u Kimbanseke f'Kinshasa. Huwa rakkomandat li taġixxi bl-akbar kawtela u diskrezzjoni, b'mod partikolari fi bliet kbar u f'żoni popolari mal-barranin. Il-vjaġġaturi għandhom jevitaw id-dimostrazzjonijiet u kull tip ta' laqgħat tal-massa u jibqgħu infurmati dwar l-evoluzzjoni tas-sitwazzjoni permezz tal-midja, inkluż ir-radju u l-midja soċjali.  Il-vjaġġaturi għandhom isegwu wkoll id-direttivi tal-awtoritajiet lokali l-ħin kollu. Il-vjaġġaturi huma mwissija b'enfasi qawwija biex iġorru magħhom il-ħin kollu, il-passaport tagħhom u xi forma ta' identifikazzjoni fotografika. Polza ta’ assigurazzjoni komprensiva hija wkoll ferm rakkomandata.

Billi Malta m'għandhiex rappreżentanza diplomatika fir-Repubblika Demokratika tal-Kongo, fil-każ ta' diffikultà, iċ-ċittadini Maltin jistgħu jikkuntattjaw lill-Ministeru għall-Affarijiet Barranin u l-Promozzjoni tal-Kummerċ fuq il-koordinati li ġejjin: Ministeru għall-Affarijiet Barranin u l-Promozzjoni tal-Kummerċ, Palazzo Parisio, Triq il-Merkanti, Valletta, Malta
Nru tat-telefon (+356) 21242191
Posta elettronika: consular.mfa@gov.mt

l-Eġittu 16/10/2017

Evita kull safar f'ċerti nħawi jekk mhuwiex meħtieġ

Kun estremament kawt u evita l-ivvjaġġar kollu lejn ċerti reġjuni. B'mod partikolari, il-Ministeru jwissi kontra l-ivvjaġġar lejn il-Governat tas-Sinaj tat-Tramuntana, minħabba ż-żieda sinifikanti fl-attività kriminali u fl-attakki terroristiċi kontinwi fuq il-pulizija u fuq il-forzi tas-sigurtà li rriżultaw fi mwiet. Żomm 'il bogħod mid-dimostrazzjonijiet u mil-laqgħat tal-massa. Barra minn hekk, il-Ministeru javża kontra l-ivvjaġġar kollu ħlief dak essenzjali lejn il-Governat tas-Sinaj tan-Nofsinhar, lejn iż-żona fil-Punent tar-reġjun tal-Wied tan-Nil u tad-Delta tan-Nil, bl-esklużjoni taż-żoni kostali bejn id-Delta tan-Nil u Marsa Matruh. Iż-żoni turistiċi tul ix-xmara Nil (inkluż Luxor, Qina, Aswan, Abu Simbel u l-Valley of the Kings) u l-kumplessi turistiċi tal-Baħar l-Aħmar ta' Sharm el Sheikh mhumiex inklużi. Hemm riskju għoli ta' terroriżmu fl-Eġittu. L-attakki reċenti kienu mmirati fuq mezzi tat-trasport u fuq l-Insara Kopti. Minħabba f'hekk, ġie ddikjarat stat ta' emerġenza fil-pajjiż f'April 2017, li reċentement fit-13 ta' Ottubru 2017 ġie estiż għal tliet xhur oħra, suġġett għal aktar reviżjoni. Din il-miżura tagħti aktar setgħat ta' intervent lill-forzi tas-sigurtà u lill-militar. Wieħed għandu għalhekk jibqa' viġilanti l-ħin kollu u jsegwi l-pariri tal-forzi tas-sigurtà lokali. L-omosesswalità mhijiex aċċettata sew fl-Eġittu u akkużi ta' għemejjel immorali ġew użati biex jitressqu persuni LGBT talli xejru bandiera qawsalla f'kunċert f'Settembru 2017. It-tranżitu jew it-tibdil ta' titjiriet mill-ajruport ta' Kajr mhumiex ta' periklu. Wieħed għandu jasal l-ajruport aktar kmieni min-normal biex jgħaddi mill-kontrolli tas-sigurtà addizzjonali fis-seħħ. Wara s-sospensjoni tar-relazzjonijiet diplomatiċi bejn l-Eġittu u l-Qatar, il-punti tad-dħul kollha mill-fruntiera tal-ajru u tal-baħar bejn iż-żewġ pajjiżi huma magħluqa. Ġorr xi forma ta' identifikazzjoni fotografika l-ħin kollu. Polza ta’ assigurazzjoni komprensiva hija wkoll ferm rakkomandata.

Fil-każ ta' diffikultà, iċ-ċittadini Maltin jistgħu jikkuntattjaw lill-Ambaxxata tar-Repubblika ta' Malta fil-Kajr fuq il-koordinati li ġejjin: Ambaxxata tar-Repubblika ta' Malta, 1 El, Saleh Ayoub Street, 2nd floor, Apt. 24, Zamalek, Cairo
Telefon taċ-Chancery: 0020 (2) 2736 2368/9
Taqsima tal-Viża: Telefon: 0020 (2) 2735 6717
Nru tal-Emerġenza:  0020 1063827105
Posta elettronika: maltaembassy.cairo@gov.mt

Wieħed jista' wkoll jagħmel kuntatt mal-Ministeru għall-Affarijiet Barranin u l-Promozzjoni tal-Kummerċ permezz tat-telefon (+356) 21242191.

l-Etjopja 12/12/2017

Eżerċita livell għoli ta' prudenza

L-istat ta' emerġenza fuq livell nazzjonali li ġie ddikjarat f'Ottubru tas-sena l-oħra wara tensjonijiet fir-reġjuni ta' Oromia u Amhara ġie revokat. Madankollu, ir-rotot bejn Mieso, Harar, Dire Dawa u Jijiga kienu xi drabi imblokkati minħabba dimostrazzjonijiet, u f'xi żoni oħra tal-pajjiż kien hemm inċidenti vjolenti u xi kultant ġlied fatali bejn gruppi etniċi. F'dan ir-rigward, il-Ministeru għall-Affarijiet Barranin u l-Promozzjoni tal-Kummerċ javża liċ-ċittadini Maltin kollha meta jivvjaġġaw lejn l-Etjopja:
(1)  biex jevitaw l-ivvjaġġar kollu lejn:
• distanza ta' 10 km mill-fruntiera mal-Eritrea, bl-eċċezzjoni tat-triq prinċipali minn Axum u Adigrat, u s-siti turistiċi qrib it-triq (eż. Debre Damo u Yeha);
• żoni mhux fit-toroq/bliet prinċipali f'distanza ta' 10 km mill-fruntiera mas-Sudan u l-Kenja
• f’distanza ta' 10 km mill-fruntiera mas-Sudan t'Isfel;
• iż-żoni ta' Nogob (qabel Fik), Jarar (qabel Degehabur), Shabelle (qabel Gode), Korahe u Dollo (qabel Warder) tar-reġjun Somalu;
• f’distanza ta' 100 km mill-fruntiera Etjopjana mas-Somalja u l-Kenja fiż-żoni ta' Afder u Liben tar-reġjun Somalu tal-Etjopja;
• l-erba' woredas (distretti) (Akobo, Wantawo, Jikawo u Lare) taż-żona Nuer u l-woreda ta' Jore taż-żona Agnuak tar-reġjun ta' Gambella.
(2)  biex jevitaw l-ivvjaġġar kollu ħlief dak essenzjali lejn:
• il-woredas (distretti) ta' Tsegede, Mirab Armacho u Tach Armacho fil-woredas ta' Gonderthree tat-Tramuntana taż-żona ta' Agnuak tar-reġjun ta' Gambella fuq il-fruntiera mas-Sudan t'Isfel (Dima, Goge u Etang) u r-riżerva tal-ħajja selvaġġa ta' Gambella.

Il-fruntiera bejn l-Etjopja u l-Eritrea għadha magħluqa minħabba t-tħassib dwar is-sigurtà. L-aktar mod sikur biex tidħol fil-pajjiż huwa bl-ajru. Il-vjaġġaturi Maltin huma mwissija jżommu livell għoli ta' kawtela, b'mod speċjali f'żoni ffullati u f'postijiet pubbliċi bħaċ-ċentri tat-trasport, il-lukandi, ir-ristoranti, il-barijiet u l-postijiet ta' qima u matul laqgħat ewlenin. L-episodji ta' kriminalità żgħira jistgħu jiġru anke matul il-ġurnata, b'mod speċjali fid-distretti ċentrali u fiż-żona tal-Merkato.

Sa mill-aħħar tal-2012, l-Etjopja bagħtet kontinġent militari fis-Somalja b'impenn kontra l-moviment terroristiku Al-Shabaab. Dan l-esponiment jgħolli l-livell tat-theddida tal-estremiżmu Iżlamiku lejn l-Etjopja u b'mod partikolari tal-kapitali Addis Ababa. L-ambaxxati, il-lukandi u l-postijiet li jżuruhom il-barranin huma partikolarment fir-riskju. F'Addis Ababa huwa rakkomandat li wieħed joqgħod lura milli juża t-trasport pubbliku u jeżerċita kawtela estrema f'żoni ta' divertiment, billi jagħżel kemm jista' jkun lukandi, ristoranti u kmamar mgħammra b'sistemi ta' kontroll mal-entratura. Il-vjaġġaturi għandhom isegwu l-istruzzjonijiet tal-awtoritajiet lokali, jikkooperaw mal-pulizija fil-każ ta' kontrolli, u jevitaw dimostrazzjonijiet jew kwalunkwe tip ta' laqgħat tal-massa oħra.

Il-livell tal-kura tas-saħħa fil-pajjiż huwa limitat ħafna. Wieħed għandu jżur tabib tal-anqas 4 sa 6 ġimgħat qabel kwalunkwe vvjaġġar biex jivverifika jekk huwiex applikabbli xi tilqim jew miżuri preventivi oħra.  Meta wieħed jivvjaġġa huwa rakkomandat li jinġarr pakkett mediku komprensiv b'mod partikolari għall-ivvjaġġar barra minn Addis Ababa.  Huwa rakkomandat b'enfasi qawwija li wieħed ikollu assigurazzjoni tas-saħħa u tal-ivvjaġġar adegwata u fondi aċċessibbli biex ikopri l-ispejjeż ta' kwalunkwe trattament mediku barra mill-pajjiż, tal-evakwazzjoni b'ambulanza bl-ajru u tar-ripatrijazzjoni. Fil-każ ta' diffikultà, iċ-ċittadini Maltin li bħalissa jinsabu fl-Etjopja jistgħu jikkuntattjaw lill-Ambaxxata tar-Repubblika ta' Malta fuq il-koordinati li ġejjin:
L-Ambaxxata tar-Repubblika ta’ Malta
1 El, Saleh Ayoub Street, 2nd floor, Apt. 24, Zamalek, Cairo
Telefon taċ-Chancery: 0020 (2) 2736 2368/9
Taqsima tal-Viża: Telefon: 0020 (2) 2735 6717
Nru tal-Emerġenza:  0020 1063827105
Posta elettronika: maltaembassy.cairo@gov.mt
JEW
Ministeru għall-Affarijiet Barranin u l-Promozzjoni tal-Kummerċ
Palazzo Parisio
Merchants Street
Valletta,
Malta
Telefon:  +356 21242191 (Dipartiment Konsulari)
Posta elettronika: consular.mfa@gov.mt

Franza 14/11/2017

Eżerċita livell għoli ta' prudenza

Franza kienet fil-mira ta' numru ta' attakki terroristiċi sa mill-2015. Fl-1 ta' Novembru 2017, fi Franza daħlet fis-seħħ liġi ġdida kontra t-terroriżmu, li tippermetti lill-forzi tas-sigurtà Franċiżi jieħdu diversi miżuri biex jiġġieldu kontra t-terroriżmu. Il-gvern Franċiż daħħal fis-seħħ livell ogħla ta' protezzjoni fuq livell nazzjonali. Hemm kontrolli tal-fruntiera aktar stretti fil-fruntieri kollha Franċiżi mal-Belġju, il-Lussemburgu, il-Ġermanja, l-Iżvizzera, l-Italja u Spanja sat-30 ta' April 2018. Iż-żieda fil-kontrolli tas-sigurtà fl-ajruporti, fl-istazzjonijiet tal-ferrovija u fis-subways huma aktarx li se jikkawżaw dewmien fl-ivvjaġġar. Iċ-ċittadini Maltin huma mħeġġa jġorru magħhom dokument ta' identifikazzjoni l-ħin kollu u jwaħħlu tikketti mal-bagalji tagħhom anke meta jivvjaġġaw bil-ferrovija. Iċ-ċittadini Maltin huma mwissija wkoll jibqgħu viġilanti fil-pubbliku, b'mod speċjali f'postijiet iffullati, u jsegwu l-pariri tal-awtoritajiet lokali, inkluż permezz tal-App "SAIP", is-sistema ta' twissija u informazzjoni tal-Gvern Franċiż disponibbli għat-tniżżil bl-Ingliż għall-iOS u għall-Android.

Fil-każ ta' emerġenza, iċ-ċittadini Maltin jistgħu jikkuntattjaw lill-Ambaxxata tar-Repubblika ta' Malta f'Pariġi fuq il-koordinati li ġejjin: Ambaxxata tar-Repubblika ta' Malta, 23 rue d’Artois, (2nd floor), 75008 Paris, France                      
Telefon: 0033 (1) 5659 7590
Mowbajl: 0033 648 360798
Posta elettronika: maltaembassy.paris@gov.mt

Wieħed jista' wkoll jagħmel kuntatt mal-Ministeru għall-Affarijiet Barranin u l-Promozzjoni tal-Kummerċ permezz tat-telefon (+356) 21242191.

il-Gabon 14/12/2017

Eżerċita livell għoli ta' prudenza

Is-sitwazzjoni politika fil-Gabon għadha mhux stabbli wara l-elezzjoni presidenzjali ta' Awwissu 2016, hekk kif wara l-elezzjoni, kien hemm ħafna ġlied vjolenti bejn id-dimostranti u l-forzi tas-sigurtà f'Libreville, il-kapitali tal-Gabon. Iċ-ċittadini Maltin huma mwissija bis-sħiħ biex jeżerċitaw kawtela estrema u biex jevitaw ivvjaġġar bla bżonn matul perjodi ta' inkwiet, isegwu l-midja lokali u jżommu 'l bogħod minn żoni fejn aktarx li jseħħu d-dimostazzjonijiet. Il-protesti malajr jistgħu jsiru vjolenti mingħajr twissija. Għalhekk huwa rakkomandat li wieħed ikun kontinwament viġilanti u juża diskrezzjoni assoluta. Matul perjodi ta' inkwiet, il-kontrolli tal-pulizija jistgħu jiżdiedu. Wieħed għandu jkun żgur li d-dokumentazzjoni kollha meħtieġa hija disponibbli u li dokument tal-identità validu (Passaport validu għal mhux inqas minn 8 xhur) huwa dejjem disponibbli fuqu/fuqha. Fil-Gabon hemm theddida baxxa mit-terroriżmu, imma wieħed għandu jkun konxju mir-riskju globali ta' attakki terroristiċi indiskriminati li jistgħu jkunu f'żoni pubbliċi inkluż dawk frekwentati minn espatrijati u vjaġġaturi barranin. Iċ-ċittadini Maltin huma mwissija jieħdu l-prekawzjonijiet sanitarji meħtieġa fir-rigward tal-mard li jinġarr min-nemus bħall-malarja u d-deni dengue, li huma komuni fil-Gabon. Iċ-ċittadini Maltin għandhom jiżguraw ukoll li jkunu koperti minn assigurazzjoni tal-ivvjaġġar komprensiva.

Billi Malta m'għandhiex rappreżentanza diplomatika fil-Gabon, fil-każ ta' diffikultà, iċ-ċittadini Maltin jistgħu jikkuntattjaw lill-Ministeru għall-Affarijiet Barranin u l-Promozzjoni tal-Kummerċ fuq il-koordinati li ġejjin: Ministeru għall-Affarijiet Barranin u l-Promozzjoni tal-Kummerċ, Palazzo Parisio, Triq il-Merkanti, Valletta, Malta
Nru tat-telefon (+356) 21242191
Posta elettronika: consular.mfa@gov.mt

il-Gambja 12/12/2017

Oqgħod attent

Is-sitwazzjoni fil-pajjiż kienet relattivament kalma sa minn meta ħa l-kariga l-President il-ġdid f'Jannar 2017.  Hemm bosta punti ta' kontroll fil-belt kapitali Banjul u madwarha. Madankollu huwa rakkomandat li wieħed jibqa' attent f'postijiet li huma popolari mat-turisti fid-dawl ta' inċidenti possibbli ta' kriminalità żgħira u aggressjoni, b'mod partikolari billejl. Huwa rakkomandat ukoll li wieħed ikun kawt fir-rigward ta' persuni li jersqu lejn it-turisti fuq il-bajjiet biex joffru servizzi ta' gwida jew ta' turs. L-attakki terroristiċi ma jistgħux jiġu eliminati, għalhekk huwa importanti li wieħed jibqa' viġilanti. Huwa rakkomandat li jittieħdu l-prekawzjonijiet meħtieġa kontra l-malarja u t-trażmissjoni tal-HIV/AIDS. L-assigurazzjoni tal-ivvjaġġar komprensiva hija importanti, għaliex il-faċilitajiet mediċi fil-pajjiż huma limitati ħafna.
Billi Malta m'għandhiex rappreżentanza diplomatika fil-Gambja, fil-każ ta' diffikultà, iċ-ċittadini Maltin jistgħu jikkuntattjaw lill-Ministeru għall-Affarijiet Barranin u l-Promozzjoni tal-Kummerċ fuq il-koordinati li ġejjin: Ministeru għall-Affarijiet Barranin u l-Promozzjoni tal-Kummerċ, Palazzo Parisio, Triq il-Merkanti, Valletta, Malta
Nru tat-telefon (+356) 21242191
Posta elettronika: consular.mfa@gov.mt

il-Guinea 21/12/2017

Eżerċita livell għoli ta' prudenza

L-elezzjonijiet lokali għandhom isiru fl-2018. Billi matul l-elezzjonijiet preċedenti seħħew inċidenti ta' vjolenza, huwa importanti li jiġu evitati laqgħat u dimostrazzjonijiet pubbliċi. Minkejja li l-Organizzazzjoni Dinjija tas-Saħħa ddikjarat il-pajjiż ħieles mit-trażmissjoni tal-vajrus tal-Ebola, huwa rakkomandat li jittieħdu l-prekawzjonijiet sanitarji meħtieġa. Kif ukoll wieħed għandu jieħu l-prekawzjonijiet meħtieġa kontra l-kolera u l-malarja. Ibqa' viġilanti f'postijiet li jżuruhom il-barranin, fid-dawl ta' attakki terroristiċi possibbli. L-awtoritajiet tal-Guinea żammew punti ta' kontroll tal-pulizija u tal-militar madwar il-pajjiż, għalhekk huwa rakkomandat li wieħed iġorr xi forma ta' identifikazzjoni l-ħin kollu.

Billi Malta m'għandhiex rappreżentanza diplomatika fil-Guinea, fil-każ ta' diffikultà, iċ-ċittadini Maltin jistgħu jikkuntattjaw lill-Ministeru għall-Affarijiet Barranin u l-Promozzjoni tal-Kummerċ fuq il-koordinati li ġejjin: Ministeru għall-Affarijiet Barranin u l-Promozzjoni tal-Kummerċ, Palazzo Parisio, Triq il-Merkanti, Valletta, Malta
Nru tat-telefon (+356) 21242191
Posta elettronika: consular.mfa@gov.mt

l-Indja 19/09/2017

Eżerċita livell għoli ta' prudenza

Iċ-ċittadini Maltin huma mħeġġa jevitaw l-ivvjaġġar kollu fil-viċinanza immedjata tal-fruntiera mal-Pakistan, lejn Manipur u l-kapitali statali tagħha Impha, lejn id-destinazzjonijiet turistiċi ta' Phalgam, Gulmarg u Sonamarg, Jammu u Kashmir. Fir-rigward ta' dan tal-aħħar, filwaqt li xorta hija rakkomandata l-kawtela, dan il-parir ma japplikax għal (i) ivvjaġġar fil-belt ta' Jammu nnifisha, (ii) ivvjaġġar bl-ajru lejn il-belt ta' Jammu, (iii) ivvjaġġar fir-reġjun ta' Ladakh. Wara strajk li dam għaddej tliet xhur f'Darjeeling Hills matul is-sena li għaddiet, il-vjaġġaturi huma rakkomandati jsegwu l-aħbarijiet lokali u l-pariri tal-awtoritajiet lokali, u jikkonsultaw mal-kumpanija tal-ivvjaġġar tagħhom.

Il-Ministeru għall-Affarijiet Barranin u l-Promozzjoni tal-Kummerċ javża kontra kull ivvjaġġar ħlief dak essenzjali lejn il-belt ta' Srinagar. Hemm theddida kbira mit-terroriżmu. Il-postijiet li jżuruhom l-aktar, bħas-swieq, it-trasport pubbliku, l-istazzjonijiet tax-xarabank u tal-ferrovija huma l-aktar fir-riskju. Kun viġilanti, b'mod speċjali f'postijiet pubbliċi, u dejjem osserva l-midja lokali qabel tippjana l-ivvjaġġar tiegħek.

Hemm riskji respiratorji possibbli li jirriżultaw mil-livelli ta' tniġġis f'New Delhi u huwa rakkomandat li wieħed jikkonsulta l-monitor tal-kwalità tal-arja ta' New Delhi disponibbli onlajn. Jekk jogħġbok kun ċert li jkollok assigurazzjoni medika komprensiva u żur it-tabib tiegħek tal-anqas 4 sa 6 ġimgħat qabel il-vjaġġ tiegħek biex tivverifika jekk teħtieġx xi tilqim jew miżuri preventivi oħra. Huwa rakkomandat li jittieħdu l-prekawzjonijiet sanitarji meħtieġa fir-rigward tal-mard li jinġarr min-nemus bħall-vajrus zika.

Fil-każ ta' diffikultà, iċ-ċittadini Maltin jistgħu jikkuntattjaw lill-Kummissjoni Għolja ta' Malta f'New Delhi fuq il-koordinati li ġejjin: Kummissjoni Għolja tar-Repubblika ta' Malta, N60, Panchsheel Park, New Delhi 110 017, India
Telefon: 0091 11 4767 4900
Faks: 0091 11 4767 4949
Mowbajl f'każ ta' emerġenza: 0091 9910443535
Posta elettronika: maltahighcommission.newdelhi@gov.mt
Wieħed jista' wkoll jagħmel kuntatt mal-Ministeru għall-Affarijiet Barranin u l-Promozzjoni tal-Kummerċ permezz tat-telefon (+356) 21242191.

l-Indoneżja 30/11/2017

Eżerċita livell għoli ta' prudenza

Imxi b'kawtela fir-rigward tal-ivvjaġġar lejn Bali f'dan iż-żmien, fid-dawl tal-iżbroff tal-vulkan ta' Mount Agung, li jinsab fil-parti tal-Lvant tal-gżira. L-awtoritajiet Indoneżjani għollew il-livell ta' twissija għall-massimu (livell 4), u ż-żona ta' esklużjoni attwali hija ta' 8-10 km mir-raġġ tal-vulkan. Il-perimetru tas-sigurtà jista' jinbidel skont is-sitwazzjoni. Iċ-Ċentru ta' Mitigazzjoni tal-Vulkanoloġija u l-Perikli Ġeoloġiċi jinforma li eruzzjonijiet żgħar se jkomplu matul ix-xahar li ġej qabel iseħħ l-iżbroff ewlieni.

L-Ajruport Internazzjonali ta' Bali Ngurah Rai (Denpasar) u l-ajruporti tal-viċinat qed jaħdmu b'mod sporadiku minħabba s-sħab tal-irmied volkaniku. Aktar tfixkil għall-ivvjaġġar bl-ajru fir-reġjun huwa mistenni hekk kif tiżdied l-attività volkanika. Iċ-ċittadini Maltin fiż-żona għandhom isegwu l-pariri tal-awtoritajiet lokali, u jikkuntattjaw il-linja tal-ajru tagħhom u l-operatur tal-ivvjaġġar tagħhom. Huwa wkoll utli li wieħed isegwi mill-qrib kwalunkwe aġġornament fil-midja. Fil-każ ta' emerġenza, iċ-ċittadini Maltin jistgħu jikkuntattjaw lill-Konslu Onorarju f'Jakarta fuq il-koordinati li ġejjin:

JAKARTA
b'ġurisdizzjoni fuq id-Distrett Kapitali Speċjali ta' Jakarta, il-Belt ta' Surabaya u Bali    
Is-Sur Rocky J.Pesik, Konslu Onorarju
JL Metro Pondok Indah TE 4-5
Pondok Indah - Jakarta 12310
Telefon: +62 2179178703
Mowbajl: +62851166551 jew +62 8551166951
Faks: + 62 2179199177
Posta elettronika: maltaconsul.jakarta@gov.mt

Wieħed jista' wkoll jagħmel kuntatt mal-Ministeru għall-Affarijiet Barranin u l-Promozzjoni tal-Kummerċ permezz tat-telefon (+356) 21242191.

l-Iraq 21/12/2017

Evita kull safar

Il-Ministeru għall-Affarijiet Barranin u l-Promozzjoni tal-Kummerċ javża kontra kull ivvjaġġar lejn: il-provinċja ta' Anbar, il-provinċja ta' Ninewah, il-provinċja ta' Salah-Al-Din, il-provinċja ta' Diyala, il-provinċja ta' Tam’mim (Kirkuk), il-provinċja ta' Erbil, fin-nofsinhar ta' Road 80, u f'distanza ta' 10 km mill-fruntiera tal-provinċja ta' Ninewah bejn Road 80 u Road 2. Il-Ministeru javża kontra l-ivvjaġġar kollu ħlief dak essenzjali lejn il-bqija tal-Iraq, inkluż il-bqija tar-reġjun ta' Kurdistan. Bħalissa hemm tensjoni bejn il-gvern Iraqi u l-Gvern Reġjonali tal-Kurdistan wara r-referendum dwar l-indipendenza mill-Iraq. Qed isiru protesti regolari nhar ta' Ġimgħa fi Pjazza Tahrir u fil-madwar. Evita kwalunkwe dimostrazzjoni u segwi l-istruzzjonijiet tal-awtoritajiet tal-pulizija lokali. Id-Daesh (li qabel kienu magħrufa bħala ISIL) u gruppi armati oħra jikkontrollaw partijiet mill-Iraq, b'mod partikolari fil-provinċji ta' Anbar, Ninewah, Salah-Al-Din u Diyala. Is-sitwazzjoni tas-sigurtà fl-Iraq kollu tibqa' mhux ċerta, u tista' tiddeterjora malajr. Huwa probabbli ħafna li t-terroristi jippruvaw iwettqu attakki fl-Iraq. Hemm ukoll theddid kbir ta' ħtif. Filwaqt li l-attakki jistgħu jsiru f'kwalunkwe ħin, hemm iżjed riskju matul vaganzi reliġjużi jew pubbliċi. Riskju għas-sigurtà ieħor jikkonċerna d-Diga ta' Mosul, li tinsab fir-riskju li ċċedi. Għandek tosserva r-rapporti fil-midja u tiżgura li jkollok pjanijiet ta' kontinġenza fis-seħħ. Il-gvern tal-Iraq issospenda t-titjiriet internazzjonali lejn u minn l-ajruporti ta' Erbil u ta' Sulaymaniyah mid-29 ta' Settembru 2017. Il-permess tal-Iraqi Airways biex jopera lejn u minn punti fl-UE ġie sospiż.

Billi Malta m'għandhiex rappreżentanza diplomatika fl-Iraq, fil-każ ta' diffikultà, iċ-ċittadini Maltin jistgħu jikkuntattjaw lill-Ministeru għall-Affarijiet Barranin u l-Promozzjoni tal-Kummerċ fuq il-koordinati li ġejjin: Ministeru għall-Affarijiet Barranin u l-Promozzjoni tal-Kummerċ, Palazzo Parisio, Triq il-Merkanti, Valletta, Malta
Nru tat-telefon (+356) 21242191
Posta elettronika: consular.mfa@gov.mt

il-Kenja 19/09/2017

Evita kull safar f'ċerti nħawi

Minħabba l-bidu ta' protesti vjolenti fil-Kenja matul ir-riżultati tal-elezzjoni presidenzjali, il-Ministeru għall-Affarijiet Barranin u l-Promozzjoni tal-Kummerċ javża liċ-ċittadini Maltin biex jeżerċitaw kawtela estrema u joqogħdu attenti ħafna meta jivvjaġġaw lejn il-pajjiż. Fid-dawl ta'dan, il-Ministeru javża bis-sħiħ lil dawk kollha li jinsabu fil-pajjiż biex jevitaw manifestazzjonijiet u postijiet iffullati; isegwu l-istruzzjonijiet tal-awtoritajiet lokali l-ħin kollu u jżommu ruħhom aġġornati dwar is-sitwazzjoni fil-pajjiż billi josservaw ir-rapporti fil-midja u fl-aħbarijiet. Huwa rakkomandat li l-ivvjaġġar fil-pajjiż ikun limitat u li l-iżviluppi fil-pajjiż jiġu osservati b'mod regolari. B'mod partikolari, il-Ministeru javża kontra kull ivvjaġġar lejn żoni fuq il-fruntiera mas-Somalja, is-Sudan t'Isfel u l-Etjopja, il-Kontea ta' Garissa, il-Kontea ta' Lamu (bl-esklużjoni tal-Gżira ta' Lamu u l-Gżira ta' Manda), il-Kontea ta' Tana River fit-Tramuntana tax-xmara Tana nnifisha, u fil-viċinanza tal-kosta mix-xmara Tana 'l isfel lejn sa x-xmara Galana. Dan il-parir jeskludi destinazzjonijiet ta' safari, riżervi tal-ħajja selvaġġa u postijiet ta' villeġġatura tal-baħar. Għad hemm ukoll riskju għoli ta' terroriżmu u kriminalità vjolenti. Iċ-ċittadini Maltin huma avżati jibqgħu viġilanti f'postijiet pubbliċi u fuq it-trasport pubbliku, u biex isegwu l-pariri tal-awtoritajiet lokali.

Il-kwalità tal-ilma tista' tkun ħażina fil-Kenja u tifqigħat ta' mard trażmess mill-ilma, bħall-kolera, il-malarja u d-deni dengue għadhom jiġru fil-Kenja. Wieħed għandu jiżgura li l-ilma tajjeb għax-xorb huwa sikur qabel il-konsum. Tal-anqas 4 sa 6 ġimgħat qabel l-ivvjaġġar lejn il-Kenja, wieħed għandu jżur tabib biex jivverifika jekk għandux bżonn xi tilqim jew miżuri preventivi oħra. Huwa essenzjali li wieħed ikollu assigurazzjoni tas-saħħa u tal-ivvjaġġar komprensiva u fondi aċċessibbli biex ikopru l-ispiża ta' kwalunkwe trattament mediku barra mill-pajjiż u ta' ripatrijazzjoni. Barra minn hekk, wieħed għandu jiżgura li l-passaport tiegħu/tagħha huwa validu għal perjodu minimu ta' 6 xhur mid-data tar-ritorn lura lejn Malta u li d-dokument tal-ivvjaġġar ikollu żewġ paġni vojta disponibbli mal-wasla.

Fil-każ ta' diffikultà, iċ-ċittadini Maltin li bħalissa jinsabu fil-Kenja jistgħu jikkuntattjaw lill-Konslu Onorarju f'Nairobi fuq id-dettalji ta' kuntatt li ġejjin:
NAIROBI
b'ġurisdizzjoni fuq it-territorju tal-Kenja
Is-Sur Kennedy Otawa Musebe, Konslu Onorarju
P O Box 2719-00100, Nairobi, Kenya  
Indirizz tal-Post: Daphton Court, B4, Riverside Drive, off Chiromo Road opp. Prime Bank
Telefon: 00254 20 2672822
Mowbajl: 00254 729 696700

Wieħed jista' wkoll jagħmel kuntatt mal-Ministeru għall-Affarijiet Barranin u l-Promozzjoni tal-Kummerċ permezz tat-telefon (+356) 21242191.

il-Kuwajt 13/11/2017

Oqgħod attent

Il-Ministeru għall-Affarijiet Barranin u l-Promozzjoni tal-Kummerċ javża liċ-ċittadini Maltin li se jivvjaġġaw lejn l-Istat tal-Kuwajt biex jeżerċitaw kawtela għaliex hemm theddida kbira mit-terroriżmu. L-attakki jistgħu jkunu indiskriminati u jistgħu jinkludu postijiet iffrekwentati minn espatrijati u vjaġġaturi barranin. It-terroristi qed ikomplu joħorġu dikjarazzjonijiet ta' theddid li se jwettqu attakki fir-reġjun tal-Golf. Dawn jinkludu referenzi għal attakki fuq interessi tal-Punent, inkluż bini residenzjali u interessi militari, taż-żejt, tat-trasport u tal-avjazzjoni.

Il-parir ġej ukoll fid-dawl tat-theddida ta' attakki terroristiċi globali kontra interessi tar-Renju Unit u tal-Istati Uniti minn gruppi u individwi mmotivati minn kunflitti fl-Iraq u fis-Sirja. Fid-dawl ta' dan, kif ukoll minħabba żieda reċenti fit-tensjonijiet ġeopolitiċi fir-reġjun, iċ-ċittadini Maltin għandhom jevitaw l-ivvjaġġar bla bżonn lejn dawn il-postijiet. Kwalunkwe ċittadin Malti li jinsab fiż-żona għandu jkun viġilanti f'żoni pubbliċi, josserva kwalunkwe żvilupp permezz tal-midja u jsegwi l-pariri tal-awtoritajiet lokali.

Fil-każ ta' diffikultà, iċ-ċittadini Maltin jistgħu jikkuntattjaw lill-Ambaxxata tar-Repubblika ta' Malta fil-Kuwajt fuq il-koordinati li ġejjin: L-Ambaxxata tar-Repubblika ta' Malta, Villa No.2, Street No. 105, Block 1, Mubarak Abdulla Al Jaber Area, New Mishref, Kuwait
Telefon: +965253 88045/6
Faks: +965 253 880 47

Wieħed jista' wkoll jagħmel kuntatt mal-Ministeru għall-Affarijiet Barranin u l-Promozzjoni tal-Kummerċ permezz tat-telefon (+356) 21242191.

il-Libanu 14/11/2017

Evita kull safar f'ċerti nħawi

Is-sitwazzjoni tas-sigurtà fil-Libanu tibqa' volatili minħabba l-kriżi politika interna attwali, u żieda fit-tensjonijiet ġeopolitiċi fir-reġjun. Għalhekk, il-Ministeru għall-Affarijiet Barranin u l-Promozzjoni tal-Kummerċ javża liċ-ċittadini Maltin kollha biex jeżerċitaw kawtela estrema u jevitaw l-ivvjaġġar lejn ċerti żoni fil-Libanu. B'mod partikolari, il-Ministeru javża kontra l-ivvjaġġar kollu lejn dawn iż-żoni li ġejjin: il-kampijiet ta' refuġjati Palestinjani; iż-Żona ta' Hermel, inkluż Arsal, Ras Baalbek; il-Bekaa Valley fil-Lvant tal-awtostrada ta' Baalbek El Hermel lejn il-fruntiera tas-Sirja u lejn il-Lvant tat-triq prinċipali li tmur lejn in-Nofsinhar minn Rayak, taqsam minn Masnaa, Rachaiya, Hasbaiya u Marjayoun u El Khaim, lejn il-fruntiera; id-distrett ta' Akkar; iż-żoni tad-distrett ta' Liban-Nord fit-Tramuntana tal-limiti tan-Nofsinhar tal-belt ta' Tripli u fil-Lvant lejn Bekaa Valley; is-subborgi tan-Nofsinhar ta' Bejrut, iddefiniti bħala: fin-Nofsinhar tal-istadju sportiv lejn l-ajruport, fil-Lvant tal-awtostrada prinċipali tal-ajruport inkluż il-viċinati ta' Ghobeiry, Chuya, Haret, Hraik, Burj Al Brajne, Mraije, Er Rouais u Laylake, imma bl-esklużjoni tal-awtostrada prinċipali tal-ajruport, it-triq bejn Bejrut u Saida u fil-Punent tagħha lejn il-baħar, u ż-żona bejn l-awtostrada tal-ajruport u t-triq bejn Bejrut u Saida fin-Nofsinhar tat-Triq Abbas El Mousawi 'l isfel lejn l-ajruport, inkluż il-Gold Club tal-Libanu.

Il-Ministeru javża wkoll kontra kull ivvjaġġar ħlief dak essenzjali lejn iż-żoni l-oħra kollha tad-distrett ta' Akkar inkluż Tripli, Halba u Qoubaiyat; f'distanza ta' 500 m mill-kamp ta' refuġjati Palestinjani ta' Ain el Hilweh f'Saida (Sidon); Baalbek u t-triq minn Baalbek għal Zahlé f'Bekaa Valley; Bekaa Valley fil-Punent tal-awtostrada ta' Baalbek El Hermel ħlief għall-ibliet ta' Zahlé u Chtaura, u ż-żoni bejn it-toroq prinċipali bejn iż-żewġt ibliet u Bejrut, u minn Zahlé għal El Mrouj, fin-Nofsinhar tax-Xmara Litani ħlief l-awtostrada prinċipali ta' Naqoura-Tyre-Saida-Beirut u ż-żoni kollha fil-Punent tagħha.
Is-sitwazzjoni tas-sigurtà tista' tiddeterjora malajr. L-iżviluppi reġjonali jistgħu wkoll ikollhom impatt fuq is-sitwazzjoni tas-sigurtà lokali. Jekk is-sitwazzjoni tas-sigurtà tiddeterjora, l-aċċess għall-ajruport jista' jinqata', potenzjalment għal perjodi estiżi u l-għażliet tat-tluq jistgħu jsiru limitati ħafna. Il-Maltin fil-Libanu huma responsabbli biex jiżguraw li jkunu kapaċi jitilqu mil-Libanu u li d-dokumentazzjoni tal-ivvjaġġar tibqa' aġġornata. Huwa rakkomandat ħafna li wieħed jakkwista assigurazzjoni medika u tal-ivvjaġġar komprensiva qabel kwalunkwe vvjaġġar lejn il-Libanu. Huwa rakkomandat ukoll li wieħed iżomm ruħu aġġornat b'mod regolari bl-aħħar aħbarijiet/żviluppi fuq il-frekwenza 96.2 FM bl-aħbarijiet urġenti bil-Franċiż fl-10.00 u fis-13.00 u bl-Ingliż wara l-aħbarijiet tas-19.00 ta' filgħaxija kif ukoll permezz tas-sit web: www.naharnet.com. It-traffiku destinat lejn il-Libanu spiss jagħmel użu mill-ispazju tal-ajru ta' fuq is-Sirja. L-ajru ta' fuq is-Sirja mhuwiex sikur minħabba l-kunflitt fis-Sirja. F'dan ir-rigward, jekk jogħġbok ikkonsulta mal-linja tal-ajru tiegħek jew mal-operatur turistiku.

Fil-Libanu hemm theddida kbira mit-terroriżmu, u kien hemm numru ta' inċidenti fis-snin reċenti. L-attakki jistgħu jsiru f'żoni li spiss iżuruhom il-barranin, f'Bejrut u f'postijiet oħra, inkluż lukandi, ristoranti u barijiet, swieq, siti turistiċi, ċentri tax-xiri bi stil tal-Punent u katini ta' supermarkets.  Iċ-ċittadini Maltin huma avżati jevitaw postijiet iffullati u dimostrazzjonijiet u jkunu viġilanti l-ħin kollu. L-awtoritajiet tas-sigurtà Libaniżi jinsabu fuq stat għoli ta' allarm u qed iwettqu operazzjonijiet tas-sigurtà fil-Libanu kollu. Jekk tinnota jew tissuspetta li qed iseħħ xi inċident tas-sigurtà, wieħed għandu immedjatament jitlaq miż-żona, u jiżgura li jsegwi l-pariri tal-awtoritajiet lokali.

Għal aktar tagħrif, iċ-ċittadini Maltin jistgħu jikkuntattjaw lill-Konslu Ġenerali Onorarju f'Bejrut fuq il-koordinati li ġejjin:
Il- Konslu Ġenerali Onorarju tar-Repubblika ta’ Malta
BEJRUT
b'ġurisdizzjoni fuq it-territorju kollu tal-Libanu
Is-Sur Raymond Bechara, Konslu Ġenerali Onorarju
Pres. Elias Sarkis Avenue, Sarraf Building, Achrafieh, P.O. Box 165533,
Beirut.
Telefon: 00961 (1) 322 999; 328 999
Faks: 00961 (1) 201 929
Indirizz tal-Cable: MALTARAN
Posta elettronika: maltaconsul.beirut@gov.mt

Wieħed jista' wkoll jagħmel kuntatt mal-Ministeru għall-Affarijiet Barranin u l-Promozzjoni tal-Kummerċ permezz tat-telefon (+356) 21242191.

il-Liberja 19/12/2017

Oqgħod attent

Is-sitwazzjoni politika fil-Liberja hija waħda ta' tensjoni minħabba l-posponiment tal-elezzjonijiet Presidenzjali. Iċ-ċittadini Maltin għandhom għalhekk jeżerċitaw kawtela u jevitaw kwalunkwe laqgħa tal-massa jew dimostrazzjoni pubblika.

Huwa rakkomandat ukoll li tiġi eżerċitata viġilanza f'postijiet li jżuruhom il-barranin, għaliex l-attakki terroristiċi ma jistgħux jiġu esklużi. Il-vjaġġaturi għandhom jevitaw l-ivvjaġġar barra mill-kapitali, Monrovia, billejl, ħlief għal kwalunkwe vvjaġġar lejn u mill-Ajruport Internazzjonali Roberts.  

Bosta każijiet ta' Ebola ġew irrappurtati fil-Liberja fl-2016. Minkejja li l-aħħar tifqigħa kienet f'Mejju 2016, ma jistgħux jiġu esklużi rikorrenzi fil-ġejjieni. Għalhekk, jekk il-vjaġġaturi huma mħassba li setgħu kienu esposti għal, jew juru, sintomi tal-Ebola, għandhom immedjatament ifittxu parir mediku u jikkuntattjaw l-Awtoritajiet tas-Saħħa f'Malta. Barra minn hekk, huwa rakkomandat li wieħed ikollu assigurazzjoni tas-saħħa u tal-ivvjaġġar komprensiva għal kwalunkwe vvjaġġar lejn il-Liberja, kif ukoll fondi aċċessibbli biex ikopri l-ispiża ta' kwalunkwe trattament mediku barra mill-pajiż u tar-ripatrijazzjoni.

Billi Malta m'għandhiex rappreżentanza diplomatika fil-Liberja, fil-każ ta' diffikultà, iċ-ċittadini Maltin jistgħu jikkuntattjaw lill-Ministeru għall-Affarijiet Barranin u l-Promozzjoni tal-Kummerċ fuq il-koordinati li ġejjin:

Ministeru għall-Affarijiet Barranin u l-Promozzjoni tal-Kummerċ
Palazzo Parisio
Triq il-Merkanti, Valletta, Malta
Nru tat-telefon (+356) 21242191
Posta elettronika: consular.mftp@gov.mt

il-Libja 20/12/2017

Evita kull safar

Il-Ministeru tal-Affarijiet Barranin u l-Promozzjoni tal-Kummerċ ikompli jirrakkomanda liċ-ċittadini Maltin biex ma jivvjaġġawx lejn il-Libja. Jekk possibbli, dawk li għadhom il-Libja għandhom jitilqu b’kull mezz kummerċjali. Sadnaittant fil-pajjiż għadu għaddej minn ġlied intensiv f’numru ta’ żoni li qed iwasslu għal vittmi ċivili, vjolenza kontinwa u ksur tad-drittijiet tal-bniedem. Il-pajjiż għadu taħt livell għoli ta’ riskju minn attakki terroristiċi u ħtif ta’ barranin minn persuni li jistgħu jinkludu estremisti affiljati mad-Daesh, Al Qaeda u milizzja armati. Fil-pajjiż ġew attakkati stallazzjonijiet taż-żejt u l-gass mid-Daesh u l-Al Qaeda, u ħaddiema barranin ġew maqtula jew maħtufa.

Fl-istess waqt għaddejjin ukoll operazzjonijiet militari fuq skala mifruxa fuq numru ta’ żoni. Minħabba l-kunflitt ġew affettwati infrastrutturi u servizzi pubbliċi, li waslu għal qtugħ fil-provvista tal-elettriku (li qed jaffettwa t-telefonija ċellulari u l-konnettività tal-internet), nuqqas ta’ ilma, karburant, ikel u servizz mediku, u inflazzjoni għolja.

L-ivvjaġġar fit-toroq jibqa’ perikoluż ħafna, dan minħabba li hemm riskju kbir ta’ ostilitajiet, serq ta’ vetturi, ħtif u riskju ta’ splużjonijiet. Tajjeb wieħed jinnota li kull safar bejn it-Tuneżija u l-Punent tal-Libja mhuwiex sikur. Iċ-Ċad u n-Niġer ta’ spiss jagħlqu l-fruntieri mal-Libja mingħajr twissija. F’każ ta’ deterjorazzjoni tas-sitwazzjoni tas-sigurtà, ir-rotot ta’ dħul u ħruġ mill-ibliet prinċipali u l-irħula jistgħu jkunu magħluqa.

L-ajruporti għadhom vulnerabbli għall-attakki u jistgħu jingħalqu jew isiru inaċċessibbli bla ebda avviż bil-quddiem. Bħalissa l-Ajruport Internazzjonali ta’ Tripli huwa magħluq, filwaqt li l-ajruporti ta’ Bengażi u Mitiga fi Tripli jistgħu jingħalqu b’mod temporanju f’każ li l-kundizzjonijiet ta’ sigurta’ jkunu mhedda. Titjiriet mil-Libja għall-pajjiżi fl-UE huma ristretti minħabba raġunijiet ta’ sigurtà.

Ċittadini Maltin li minkejja dan l-avviż, jagħżlu li xorta jivvjaġġaw lejn il-Libja għandhom jieħdu l-prekawzjonijiet kollha ta’ sigurta’ personali u jivvjaġġaw biss fejn hu strettament meħtieġ u jitilqu minnufih mill-pajjiż f’każ li s-sitwazzjoni tmur għall-agħar. Ġurnalisti li jkunu fuq xogħol fil-pajjiż għandhom jaraw li jiksbu l-akkreditazzjoni meħtieġa mill-awtoritajiet Libjani biex ikunu jistgħu jaqdu dmirijiethom fil-pajjiż.

Minħabba li bħalissa r-rappreżentanza diplomatika ta’ Malta fil-Libja tinsab magħluqa, f’każ ta’ diffikultà, residenti Maltin fil-Libja għandhom jikkuntattjaw il-Ministeru tal-Affarijiet Barranin u l-Promozzjoni tal-Kummerċ kif ġej:




Il-Ministeru tal-Affarijiet Barranin u l-Promozzjoni tal-Kummerċ
Palazzo Parisio,
Triq il-Merkanti,
Il-Belt Valletta, Malta
Numru tat-telefown: (+356) 21242191
Email: consular.mftp@gov.mt








in-Niġerja 21/12/2017

Evita kull safar f'ċerti nħawi

Evita kwalunkwe vvjaġġar fil-Grigal minħabba l-attivitajiet tal-grupp terroristiku Boko Haram. Evita b'mod partikolari l-ivvjaġġar kollu lejn l-istati ta' Borno, Yobe, Adamawa, Gombe u ż-żoni tax-xmajjar tal-Istati ta' Delta, Bayelsa, Rivers, Akwa Ibom u Cross River kif ukoll żoni sa 20 km mill-fruntiera man-Niġer fl-Istat ta' Zamfara. Evita wkoll l-ivvjaġġar kollu ħlief dak essenzjali lejn l-istati ta' Bauchi, Zamfara, Kano, Kaduna, Jigawa, Katsina, Kogi, iż-żoni f'distanza ta' 20 km mill-fruntiera man-Niger fl-Istati ta' Sokoto u Kebbi, iż-żoni mhux tax-xmajjar tal-Istati ta' Delta, Bayelsa u Rivers u l-Istat ta' Abia. Iż-żieda fir-riskju mit-terroriżmu kif ukoll il-kriminalità vjolenti u l-ħtif jippersistu fil-pajjiż kollu.

Billi Malta m'għandhiex rappreżentanza diplomatika fin-Niġerja, fil-każ ta' diffikultà, iċ-ċittadini Maltin jistgħu jikkuntattjaw lill-Ministeru għall-Affarijiet Barranin u Promozzjoni tal-Kummerċ fuq il-koordinati li ġejjin: Ministeru għall-Affarijiet Barranin u l-Promozzjoni tal-Kummerċ, Palazzo Parisio, Triq il-Merkanti, Valletta, Malta
Nru tat-telefon (+356) 21242191
Posta elettronika: consular.mfa@gov.mt

il-Pakistan 21/12/2017

Evita kull safar jekk mhuwiex meħtieġ

Is-sitwazzjoni tas-sigurtà għadha fraġli u l-ivvjaġġar kollu ħlief dak essenzjali għandu jiġi evitat. Evita l-ivvjaġġar kollu lejn iż-Żoni Tribali Amministrati b'mod Federali, id-distretti ta' Charsadda, Kohat, Tank, Bannu, Lakki, Dera Ismail Khan, Swat, Buner u Lower Dir f'Khyber-Pakhtunkhwa, il-belt ta' Peshawar u d-distretti fin-Nofsinhar tal-belt, inkluż it-triq minn Peshawar għal Chitral li tgħaddi mil-Lowari Pass, it-Tramuntana u l-Punent ta' Balochistan, u l-Awtostrada Karakoram bejn Islamabad u Gilgit. Evita l-ivvjaġġar mhux essenzjali lejn Kalesh Valley, Bamoboret Valley u d-Distrett ta' Arandu lejn in-Nofsinhar u l-Punent ta' Chitral f'Khyber-Pakhtunkhwa, il-belt ta' Quetta, il-belt ta' Nawabshah fil-Provinċja ta' Sindh u ż-żoni ta' ġewwa Sindh lejn it-Tramuntana ta' Nawabshah. It-terroriżmu u d-dimostrazzjonijiet vjolenti għadhom theddid persistenti fil-pajjiż kollu.

Fil-każ ta' diffikultà, iċ-ċittadini Maltin li bħalissa jinsabu fil-Pakistan jistgħu jikkuntattjaw lill-Konslu Onorarju fil-Pakistan fuq id-dettalji ta' kuntatt li ġejjin:                                                                                                                                                          KARACHI
b'ġurisdizzjoni fuq ir-Repubblika Iżlamika tal-Pakistan
Is-Sur Muhammed Baker Gokal, Konslu Ġenerali Onorarju
Gokal Chambers, Hotel Beach Luxury Road, Karachi
Telefon: 0092 (21) 561 100-5
Faks: 0092 (21) 561 0760/61
Posta elettronika: maltaconsul.karachi@gov.mt

LAHORE
b'ġurisdizzjoni fuq Punjab
Is-Sur Hasan M. Zaidi, Konslu Onorarju
36, Lawrence Road, Lahore 54000
Telefon: 0092 (42) 3636 6666-70          
Faks: 0092 (42) 636 6665, 637 0509
Posta elettronika: maltaconsul.lahore@gov.mt

Wieħed jista' wkoll jagħmel kuntatt mal-Ministeru għall-Affarijiet Barranin u l-Promozzjoni tal-Kummerċ permezz tat-telefon (+356) 21242191.

il-Filippini 22/12/2017

Oqgħod attent

Il-Ministeru għall-Affarijiet Barranin u l-Promozzjoni tal-Kummerċ javża liċ-ċittadini Maltin biex ma jivvjaġġawx lejn il-provinċja ta’ Albay minħabba l-periklu fiż-żieda fl-attività sismika mill-vulkan Mayon. L-Istitut Filippin għall-Vulkanoloġija u s-Sismoloġija għolla l-livell ta’ twissija minħabba li qed joħroġ il-lava u l-irmied mill-vulkan, u qed iseħħu wkoll splużjonijiet fil-quċċata. Kull ċittadin Malti li qed jippjana li jmur il-Filippini għandu jibqa’ aġġornat mal-iżviluppi fil-midja u jikkuntattja l-aġenzija tal-ivvjaġġar f’każ ta’ interruzzjoni possibbli fis-servizz.

Il-Ministeru jkompli jwissi liċ-ċittadini Maltin kontra kull ivvjaġġar f’Mindanao (esklużi Camiguin, Dinagat u l-gżejjer ta’ Siargao), l-arċipelagu ta’ Sulu u fin-nofsinhar tal-provinċja ta’ Cebu minħabba attivitajiet terroristiċi, ġlied bejn il-gruppi tal-milizzja u tar-ribelli, u ħtif ta‘ barranin.

Il-Ministeru javża wkoll liċ-ċittadini Maltin biex iżommu viġilanza kostanti u jkunu prudenti matul iż-żjara fil-pajjiż. Uħud mill-kontrolli f’ċerti postijiet inklużi l-ajruporti fil-kapitali u l-ibliet l-oħra tal-arċipelagu huma iktar sensittivi. L-awtoritajiet lokali għollew il-livell ta’ twissija għall-forzi tas-sigurtà u avżaw kontra l-iffullar f’laqgħat tal-massa, postijiet iffullati, ċerimonji pubbliċi; u biex jillimitaw l-ivvjaġġar mhux neċessarju. Minħabba l-livell għoli ta’ reati vjolenti, wieħed għandu jkun viġilanti l-ħin kollu.

Barra minnhekk, il-gvern Filippin iddikjara stat ta’ emerġenza nazzjonali minħabba l-vjolenza anarkika preżenti fil-bqija tal-pajjiż. Hemm ukoll miżuri akbar ta’ sigurtà f’postijiet bħall-ajruporti u ċentri primarji tat-trasport. Wieħed għandu jalloka ħin biżżejjed għall-kontrolli tas-sigurtà jekk qed jivvjaġġa lejn/mill-Filippini, u jiżgura li għandu d-dokumentazzjoni neċessarja għad-dispożizzjoni tiegħu. Il-konformità mal-istruzzjonijiet u l-attenzjoni bir-reqqa għall-iżviluppi tal-midja huma rakkomandati.

Vajrusijiet trasmessi minn nemus bħaż-żika, id-deni tad-dengue, l-enċefalite Ġappuniża (JE) u ċ-chikungunya jinxterrdu s-sena kollha fil-Filippini. Ir-riskji tad-deni dengue jiżdiedu waqt l-istaġun tax-xita (Ġunju – Ottubru). Huwa importanti li l-vjaġġaturi jieħdu l-prekawzjonijiet neċessarji. Għandhom jiżguraw ukoll li jkollhom assikurazzjoni tas-saħħa u l-ivvjaġġar adegwata u fondi aċċessibbli biex ikopru kull trattament mediku barra mill-pajjiż u r-ripatrijazzjoni.

F’każ ta’ diffikultà fil-pajjiż, ċittadini Maltin attwalment fil-Filippini għandhom jikkuntattjaw lill-Konslu Onorarju ta’ Malta fil-Filippini skont id-dettalji t’hawn taħt:

MANILA
B’ġurisdizzjoni fuq ir-Repubblika tal-Filippini

Mr PAUL A. AQUINO, Konslu Onorarju Ġenerali
Room 1242, Megaplaza Building, ADB Avenue c/w Garnet Road, Ortigas
Center, Pasig City
Tel: 0063 2 687 7245
Fax: 0063 (2) 687 7245
Email: maltaconsul.manila@gov.mt

Il-Ministeru għall-Affarijiet Barranin u l-Promozzjoni tal-Kummerċ jista’ jiġi kkuntattjat fuq in-nru. (+356) 21242191.

l-Arabja Sawdija 13/11/2017

Oqgħod attent

Il-Ministeru għall-Affarijiet Barranin u l-Promozzjoni tal-Kummerċ javża liċ-ċittadini Maltin biex jeżerċitaw livell għoli ta' kawtela meta jivvjaġġaw lejn l-Arabja Sawdija. Iċ-ċittadini Maltin huma avżati jevitaw l-ivvjaġġar fiż-żoni tal-fruntiera bejn l-Arabja Sawdija u l-Jemen, b'mod partikolari f'distanza ta' 10 km mill-fruntiera mal-Jemen u l-ivvjaġġar kollu ħlief dak essenzjali bejn 10 km u 80 km minn din il-fruntiera. Aktar kmieni din is-sena l-Arabja Sawdija ssospendiet ir-relazzjonijiet diplomatiċi mal-Qatar. Il-fruntiera fuq l-art bejn l-Arabja Sawdija u l-Qatar hija magħluqa. It-titjiriet kollha bejn l-Arabja Sawdija u l-Qatar huma sospiżi sakemm joħroġ avviż ieħor. Minħabba dawn il-miżuri, il-vjaġġaturi fir-reġjun huma aktarx li jiltaqgħu ma' tfixkil. Għalhekk, kull ċittadin Malti fir-reġjun huwa avżat biex jivverifika mal-linja tal-ajru tiegħu jew mal-aġent tal-ivvjaġġar tiegħu qabel jivvjaġġa f'dan ir-reġjun. Billi l-Arabja Sawdija kienet qed tmexxi koalizzjoni ta' attakki mill-ajru fuq il-Jemen, il-pajjiż sar mira għall-attakki mill-ajru mill-Jemen. L-attakki mill-ajru mhux biss affettwaw il-faċilitajiet militari fil-pajjiż, imma twettqu wkoll fuq Riyadh, Jeddah u l-Baħar l-Aħmar. Ħafna minn dawn ġew interċettati u meqruda mis-sistemi tad-difiża tal-arju Sawdin, madankollu, jibqa' l-periklu. L-awtoritajiet Sawdin iddikjaraw żona ta' 20 km bħala żona pprojbita li tifrex mill-fruntiera kollha tat-Tramuntana tal-pajjiż u mill-fruntiera fiż-żoni ta' Hafr-Al Batin u Khafji fil-Provinċja tal-Lvant. Il-ksur ta' din il-projbizzjoni huwa kastigabbli bi priġunerija u multi kbar. L-attakki terroristiċi għadhom probabbli u hemm żieda fir-riskju tat-terroriżmu kontra l-avjazzjoni. Miżuri tas-sigurtà addizzjonali li jirrestrinġu l-apparat elettroniku fuq l-ajruplani jinsabu fis-seħħ u l-kooperazzjoni mal-uffiċjali tas-sigurtà hija inkoraġġita. Iċ-ċittadini Maltin li temporanjament jinsabu fil-pajjiż huma avżati biex iżommu livell għoli ta' viġilanza u jieħdu l-prekawzjonijiet meħtieġa kollha. Iċ-ċittadini Maltin għandhom iżommu ruħhom aġġornati dwar l-iżviluppi permezz tal-midja lokali u internazzjonali. Huma mħeġġa wkoll jevitaw kwalunkwe dimostrazzjoni jew laqgħa tal-massa ta' natura politika u jsegwu l-pariri tal-awtoritajiet lokali.

Fil-każ ta' diffikultà, iċ-ċittadini Maltin jistgħu jikkuntattjaw lill-Konsulat Onorarju ta' Malta f'Jeddah fuq il-koordinati li ġejjin:
Is-Sur Maher Mohammed Al Nowaiser
Konslu Onorarju
2621 Prince Faisal Bin Fahad Street
Al Shatee District
23514 - 7996, Jeddah
Saudi Arabia
Telefon: 00966 (12) 6991599
Faks: 00966 (12) 6990890
Posta elettronika: maheralnowaiser@yahoo.com  

Wieħed jista' wkoll jagħmel kuntatt mal-Ministeru għall-Affarijiet Barranin u l-Promozzjoni tal-Kummerċ permezz tat-telefon (+356) 21242191.

Sierra Leone 19/12/2017

Evita kull safar jekk mhuwiex meħtieġ

Is-sitwazzjoni politika fil-pajjiż hija relattivament stabbli, madankollu okkażjonalment jista' jkun hemm tensjonijiet minħabba s-sitwazzjoni ekonomika diffiċli. Iċ-ċittadini Maltin għandhom jeżerċitaw viġilanza u jibqgħu kawti, b'mod speċjali f'postijiet li jżuru l-barranin, bħal postijiet tal-villeġġatura tal-baħar, lukandi, kafeteriji u ristoranti, eċċ..

Huwa rakkomandat li l-vjaġġaturi fis-Sierra Leone, b'mod speċjali fuq negozju, għandhom jivvjaġġaw matul il-jum u jibqgħu f'kuntatt mal-impjegatur tagħhom jew mal-organizzazzjoni ospitanti.

Minkejja li s-Sierra Leone ġiet iddikjarata ħielsa mill-Ebola mill-Organizzazzjoni Dinjija tas-Saħħa fl-2016, ma jistgħux jiġu esklużi rikorrenzi fil-ġejjieni. Għalhekk, jekk il-vjaġġaturi huma mħassba li setgħu kienu esposti għal, jew juru, sintomi tal-Ebola, għandhom immedjatament ifittxu parir mediku u jikkuntattjaw l-Awtoritajiet tas-Saħħa f'Malta. Barra minn hekk, huwa rakkomandat li wieħed ikollu assigurazzjoni tas-saħħa u tal-ivvjaġġar komprensiva għal kwalunkwe vvjaġġar lejn is-Sierra Leone, kif ukoll fondi aċċessibbli biex ikopri l-ispiża ta' kwalunkwe trattament mediku barra mill-pajiż u tar-ripatrijazzjoni.

Billi Malta m'għandhiex rappreżentanza diplomatika fis-Sierra Leone, fil-każ ta' diffikultà, iċ-ċittadini Maltin jistgħu jikkuntattjaw lill-Ministeru għall-Affarijiet Barranin u l-Promozzjoni tal-Kummerċ fuq il-koordinati li ġejjin:

Ministeru għall-Affarijiet Barranin u l-Promozzjoni tal-Kummerċ
Palazzo Parisio
Triq il-Merkanti, Valletta, Malta
Nru tat-telefon (+356) 21242191
Posta elettronika: consular.mftp@gov.mt

is-Sudan t’Isfel 20/12/2017

Evita kull safar

Il-Ministeru għall-Affarijiet Barranin u l-Promozzjoni tal-Kummerċ javża liċ-ċittadini Maltin kontra kull ivvjaġġar lejn is-Sudan t'Isfel.  Kwalunkwe ċittadin Malti fil-pajjiż għandu jitlaq meta jkun sikur li jagħmel dan.

Is-sitwazzjoni fil-belt kapitali, Juba, hija waħda ta' tensjoni. Il-kunflitti vjolenti jistgħu jiġru kullimkien f'kwalunkwe ħin bi ftit avviż jew xejn. Il-kriminalità qed tiżdied u l-barranin ġew attakkati jew mhedda. F'partijiet oħra tal-pajjiż għad hemm ġlied armat frekwenti bejn l-armata Sudaniża tan-Nofsinhar u l-ġellieda armati ta' gruppi etniċi differenti.

Il-linja ta' demarkazzjoni bejn is-Sudan u s-Sudan t'Isfel tibqa' mhux ċara u r-ribelli mis-Sudan joperaw fiż-żona tal-fruntiera bejn iż-żewġ stati. Dan jista' jwassal għal ġlied armat fir-reġjun tal-fruntiera mas-Sudan. L-attakki minn persuni armati li qed jinvadu u minn kriminali jseħħu fiż-żoni tal-fruntiera mal-Uganda, mar-Repubblika Ċentru-Afrikana u mar-Repubblika Demokratika tal-Kongo. Huwa rakkomandat li wieħed jevita installazzjonijiet militari, folol u dimostrazzjonijiet. Fil-każ ta' deterjorament serju tas-sitwazzjoni fil-pajjiż, ir-rotot lejn u mis-Sudan t'Isfel jistgħu jiġu mblokkati, l-ajruport ta' Juba jista' jingħalaq u t-titjiriet jiġu sospiżi fi żmien qasir.

Qabel jiġi kkunsidrat kwalunkwe vvjaġġar lejn is-Sudan t'Isfel il-vjaġġaturi għandhom jaqraw bir-reqqa dan il-parir dwar l-ivvjaġġar, u jżommu ruħhom aġġornati mal-aħħar sitwazzjoni tas-sigurtà. Iċ-ċittadini Maltin għandhom jiżguraw ukoll li jkollhom pjanijiet ta' kontinġenza komprensivi, inkluż l-istokk tal-provvisti essenzjali u dokumenti tal-ivvjaġġar u viżi aġġornati. Huwa rakkomandat bis-sħiħ li tintuża skorta ta' sigurtà għal kwalunkwe vvjaġġar fil-pajjiż.

Billi Malta m'għandhiex rappreżentanza diplomatika fis-Sudan t'Isfel, fil-każ ta' diffikultà, iċ-ċittadini Maltin jistgħu jikkuntattjaw lill-Ministeru għall-Affarijiet Barranin u l-Promozzjoni tal-Kummerċ fuq il-koordinati li ġejjin:

Ministeru għall-Affarijiet Barranin u l-Promozzjoni tal-Kummerċ
Palazzo Parisio, Triq il-Merkanti
Valletta, Malta
Nru tat-telefon (+356) 21242191
Posta elettronika: consular.mftp@gov.mt

Spanja 20/12/2017

Ħu prekawzjonijiet normali

Il-Ministeru għall-Affarijiet Barranin u l-Promozzjoni tal-Kummerċ javża liċ-ċittadini Maltin li s-sitwazzjoni f'Barċellona u f'partijiet oħra tal-Katalonja issa kkalmat. Madankollu, xorta jista' jkun hemm dimostrazzjonijiet u strajks. B'riżultat ta' dawn id-dimostrazzjonijiet jista' jkun hemm xi tfixkil għaċ-ċaqliq f'dawn il-bliet u għas-sistema tat-trasport pubbliku. Kwalunkwe ċittadin Malti li jinsab fiż-żona għandu jsegwi l-istruzzjonijiet tal-gvern Spanjol u jżomm ruħu aġġornat dwar kwalunkwe aġġornament fil-midja.

Iċ-ċittadini Maltin għandhom ukoll jeżerċitaw kawtela f'postijiet pubbliċi. Minkejja li l-gvern Spanjol ħa miżuri ta' sigurtà f'postijiet mimlija attività u f'faċilitajiet tal-infrastruttura importanti, it-tieni l-ogħla livell ta' allert għat-terroriżmu jkompli japplika fuq livell nazzjonali.

Fil-każ ta' emerġenza, iċ-ċittadini Maltin jistgħu jikkuntattjaw lill-Ambaxxata tar-Repubblika ta' Malta f'Madrid fuq il-koordinati li ġejjin:

L-Ambaxxata tar-Repubblika ta' Malta
Paseo de la Castellana, 45 – 6 Dcha
28046 MADRID – SPAIN
Telefon: (+34) 91 391 3061
Mowbajl: (+34) 648 867 329
Faks: (+34) 91 391 3066
Posta elettronika: maltaembassy.madrid@gov.mt

Wieħed jista' wkoll jagħmel kuntatt mal-Ministeru għall-Affarijiet Barranin u l-Promozzjoni tal-Kummerċ permezz tat-telefon (+356) 21242191.

is-Sri Lanka 20/12/2017

Oqgħod attent

Il-Ministeru għall-Affarijiet Barranin u l-Promozzjoni tal-Kummerċ javża liċ-ċittadini Maltin biex ikunu kawti meta jivvjaġġaw lejn is-Sri Lanka.

Iċ-ċittadini Maltin għandhom jevitaw il-laqgħat tal-massa u d-dimostrazzjonijiet iffullati, li jistgħu jeskalaw b'mod rapidu.
Għandha tingħata attenzjoni partikolari min-nisa li jivvjaġġaw waħedhom jew fi gruppi żgħar, fid-dawl ta' rapporti reċenti ta' fastidju sesswali, xorb imħallat, u attakki. Il-frodi bil-karti tal-kreditu, prezzijiet eżorbitanti għat-turisti u serq minn lukandi qegħdin dejjem iżjed isiru komuni. Barra minn hekk, il-vjaġġaturi għandhom ikunu mwissija li kwalunkwe imġiba li tista' tiġi interpretata bħala nuqqas ta' rispett reliġjuż tista' tkun kastigabbli bi priġunerija. Is-Sri Lanka għandha għases tal-pulizija speċjali għat-turisti fiż-żoni turistiċi prinċipali tul il-kosta tal-Lbiċ.

Il-forzi militari u tal-pulizija huma preżenti f'bosta postijiet u spiss jitwettqu kontrolli tas-sigurtà. Iċ-ċittadini Maltin huma avażati biex isegwu l-istruzzjonijiet tal-awtoritajiet lokali.

Wieħed għandu jkun kawt b'mod estrem meta jgħum fil-baħar miftuħ. Il-kosti tas-Sri Lanka għandhom kurrenti qawwija li jinbidlu li anke n-nies tal-lokal għandhom diffikultà biex jirrikonoxxu. Ix-xita tal-monsun tista' tikkawża għargħar qosra imma severi fis-Sri Lanka. L-istaġun tal-monsun iġib miegħu wkoll żieda fil-każijiet tad-deni dengue. Għalhekk, ikun prudenti li jittieħdu l-prekawzjonijiet meħtieġa kollha kontra l-mard li jinġarr min-nemus. Barra minn hekk, jista' jkun hemm ukoll xi ċikluni.

Fil-każ ta' diffikultà, iċ-ċittadini Maltin fis-Sri Lanka jistgħu jikkuntattjaw lill-Konslu Onorarju ta' Malta fis-Sri Lanka fuq il-koordinati li ġejjin:

Colombo
b'ġurisdizzjoni fuq is-Sri Lanka

Is-Sur Lanin J.A. Fernando, Konslu Onorarju
17, Aloe avenue, Colombo 03 Sri Lanka
Telefon: 0094 11 2 575 511, 0094112575501
posta elettronika: maltaconsul.colombo@gov.mt

Wieħed jista' wkoll jagħmel kuntatt mal-Ministeru għall-Affarijiet Barranin u l-Promozzjoni tal-Kummerċ permezz tat-telefon (+356) 21242191.

is-Sirja 20/12/2017

Evita kull safar

Il-Ministeru għall-Affarijiet Barranin u Promozzjoni tal-Kummerċ iwissi liċ-ċittadini Maltin kontra l-ivvjaġġar kollu lejn is-Sirja minħabba s-sitwazzjoni tas-sigurtà li teżisti bħalissa, immarkata minn kunflitt militari fuq skala sħiħa, inkluż attakki bl-armi kimiċi, attakki bir-rokits u bombardamenti mill-ajru. Hemm theddida kbira mit-terroriżmu fis-Sirja kollha kif ukoll żieda fin-numru ta' ħtif irrappurtat ta' barranin, inkluż ħaddiema tal-NGOs u ġurnalisti.

L-aċċess għat-territorju Sirjan huwa suġġett għal kundizzjonijiet stretti u l-individwi li jidħlu fis-Sirja b'mod illegali se jiġu kkastigati b'sentenza ta' priġunerija ta' 5 sa 10 snin u/jew multa ta' 5 sa 10 miljun lira Sirjana. Is-sanzjonijiet kontra s-Syrian Arab Airlines ilhom fis-seħħ mill-2012 u ċ-ċittadini tal-UE li jixtru l-biljetti tal-ajru ma' din il-linja tal-ajru jkunu qed iwettqu reat kriminali. Huwa permess biss ix-xiri ta' biljetti tal-ajru għall-evakwazzjoni mis-Sirja.

Qed ikun hemm ċaqliq kbir ta' refuġjati lejn il-pajjiżi tal-viċinat bħal-Libanu, il-Ġordan u t-Turkija. Barra minn hekk, it-tensjonijiet fil-provinċja tal-Grigal b'popolazzjoni predominanti Kurda u fil-fruntiera bejn is-Sirja u l-Iraq ma jistgħux jiġu esklużi. Xi partijiet mill-fruntiera huma magħluqa għat-traffiku tal-passiġġieri jew jistgħu jingħalqu fi żmien qasir mingħajr avviż minn qabel, u għalhekk jagħmluha impossibbli li wieħed jitlaq mis-Sirja.

Bħala riżultat tal-instabbiltà politika u tas-sigurtà li għaddejja bħalissa fis-Sirja, l-għajnuna konsulari fil-pajjiż mhix possibbli. Minkejja dan il-parir, dawk li jagħżlu li jivvjaġġaw lejn is-Sirja għandu jkollhom miżuri tas-sigurtà personali effettivi fis-seħħ u għandhom jillimitaw il-movimenti tagħhom fil-pajjiż għal dak li huwa strettament meħtieġ u jitilqu mill-pajjiż mal-ewwel opportunità.

Billi Malta m'għandhiex rappreżentanza diplomatika fis-Sirja, fil-każ ta' diffikultà, iċ-ċittadini Maltin jistgħu jikkuntattjaw lill-Ministeru għall-Affarijiet Barranin u Promozzjoni tal-Kummerċ fuq il-koordinati li ġejjin:

Ministeru għall-Affarijiet Barranin u l-Promozzjoni tal-Kummerċ
Palazzo Parisio
Triq il-Merkanti, Valletta, Malta
Nru tat-telefon (+356) 21242191
Posta elettronika: consular.mftp@gov.mt

it-Tajlandja 21/12/2017

Eżerċita livell għoli ta' prudenza

Wara l-kolp militari f'Mejju 2014, is-sitwazzjoni tas-sigurtà fit-Tajlandja stabbilizzat. Il-ħajja pubblika hija relattivament normali, madankollu, il-libertà tal-espressjoni u tal-għaqda jkomplu jkunu ristretti b'mod sever. Il-vjaġġaturi għandhom ikunu konxji tal-liġi lèse-majesté stretta tat-Tajlandja. Ġeneralment huwa rakkomandat li jiġu evitati dimostrazzjonijiet u folol, għaliex il-ġlied vjolenti bejn id-dimostranti u l-forzi tas-sigurtà ma jistax jiġi eskluż.

Il-Ministeru għall-Affarijiet Barranin u l-Promozzjoni tal-Kummerċjiskoraġġixxi b’enfasi qawwija l-ivvjaġġar lejn u mill-istati fin-Nofsinhar tat-Tajlandja fil-fruntiera mal-Malasja (Narathiwat, Yala u Pattani u partijiet minn Songkhla). Hemm ġlied regolari bejn il-gruppi separatisti u l-forzi tas-sigurtà kif ukoll attakki terroristiċi, inkluż fuq postijiet popolari mal-barranin. F'Awwissu 2016 attakki bil-bombi u ta' ħruq doluż f'Hua Hin, Phuket, Krabi, Trang, Surat Thani, u postijiet u provinċji oħra fin-Nofsinhar tat-Tajlandja kkawżaw imwiet u korrimenti. F'Mejju 2016, kien hemm attakk bil-bombi fuq sptar militari f'Bangkok. Attakki oħra ma jistgħux jiġu esklużi.

Il-Ministeru javża liċ-ċittadini Maltin fit-Tajlandja biex jevitaw dawn iż-żoni u jżommu viġilanza u kawtela kontinwa tul iż-żjara tagħhom fil-pajjiż. L-awtoritajiet lokali ħeġġew lin-nies biex jevitaw laqgħat tal-massa, postijiet iffullati u ċerimonji pubbliċi, u biex jillimitaw l-ivvjaġġar bla bżonn. Il-vjaġġaturi huma avżati b'mod ġenerali biex isegwu bir-reqqa l-istruzzjonijiet tal-awtoritajiet lokali u biex isegwu mill-qrib kwalunkwe żvilupp fil-midja.

Iċ-Ċittadini Maltin għandhom jinnotaw ukoll li għandhom iħallu tal-anqas 3 sigħat żmien biex jaslu l-ajruport minħabba x-xogħlijiet fit-toroq fir-rotta miċ-ċentru ta' Bangkok għall-ajruport ta' Don Mueang, li huma stmati li se jdumu sa Settembru 2018. L-ivvjaġġar bl-art lejn il-Kambodja huwa possibbli biss permezz tal-qsim uffiċjali tal-fruntiera. L-ivvjaġġar lejn Preah Vihear u t-tempji fil-madwar mhuwiex rakkomandat, hekk kif iż-żona kollha tibqa' żona ristretta militari.

Huwa utli wkoll li wieħed jinnota li f'Novembru 2017 ġiet introdotta projbizzjoni fuq it-tipjip fuq il-bajjiet f'ċerti żoni turistiċi, inkluż f'Koh Samui, Pattaya u fil-provinċji ta' Phuket, Prachuap Khiri Khan, Chon Buri u Songkhla. Il-vjaġġaturi għandhom ikunu konxji li l-penali għall-pussess, id-distribuzzjoni jew il-manifattura tad-drogi huma ħorox ħafna u jistgħu jinkludu l-piena kapitali. Barra minn hekk huwa rakkomandat li l-vjaġġaturi jivverifikaw mal-fornitur tas-servizz tas-saħħa tagħhom dwar kwalunkwe tilqim li jista' jkun meħtieġ qabel l-ivvjaġġar lejn it-Tajlandja.

Fil-każ ta' diffikultà fil-pajjiż, iċ-ċittadini Maltin jistgħu jikkuntattjaw lill-Konslu Onorarju ta' Malta fit-Tajlandja fuq il-koordinati li ġejjin:
 
Konslu Onorarju tar-Repubblika ta' Malta
Is-Sur Varatit Benjavilas, Konslu Onorarju
76 Ekamai, 4 Sukhumvit Road, Wattana, Bangkok 10110, Thailand
Telefon tal-Uffiċċju: 0066 2 235-8990
Faks: 0066 2 635-3993
Mowbajl: 0066 8 1616-7777
posta elettronika: maltaconsul.bangkok@gov.mt

Wieħed jista' wkoll jagħmel kuntatt mal-Ministeru għall-Affarijiet Barranin u l-Promozzjoni tal-Kummerċ permezz tat-telefon (+356) 21242191.


it-Tuneżija 11/01/2018

Eżerċita livell għoli ta' prudenza

Wara l-attakki terroristiċi f’żoni popolari fl-2015, l-awtoritajiet Tuneżini adottaw miżuri ġodda għal kontra t-terroriżmu fil-kapitali u fil-bqija tal-pajjiż. Il-forzi tas-sigurtà issa qed jissalvagwardjaw l-ibliet prinċipali u kumplessi turistiċi, u l-miżuri tas-sigurtà ġew msaħħa fil-portijiet, l-ajruportijiet u t-toroq prinċipali. L-Istat ta’ emerġenza ddikkjarat fl-2015 ġie estiż repetutament, bl-iktar estensjoni reċenti tkun fit-12 ta’ Novembru 2017 għal tliet xhur.

Mill-ewwel ta’ Jannar tal-2018, faqqgħu numru ta’ protesti fiż-żoni urbani mat-Tuneżija kollha, inkluża l-kapitali Tunis. Dawn il-protesti, li f’ċertu żoni ta’ spiss ikunu vjolenti, normalment iseħħu matul il-lejl. Minkejja dan, l-attivitajiet tal-puluzija u l-forzi tas-sigurtà jiġu mwettqa fl-istess żoni tal-protesti.

Sa mill-ewwel ġurnata ta’ dawn il-protesti, ġew irrapurtati attivitajiet vjolenti f’Douz, Kasserine, Tebourba, El Hamma (ħdejn Gabes), Gafsa, Sidi, Bouzid, Talah u Djerba. Fil-bqija ta’ Tunis, il-protesti qed iseħħu primarjament fil-Belt ta’ Ettadhamen, Intileka u fiż-żoni ta’ Mnihla. Triq Habib Bourghuiba fiċ-ċentru ta’ Tunis ġiet affettwata wkoll mill-protesti, minkejja li ebda vjolenza ma ġiet irrapurtata.

Fid-dawl tal-informazzjoni mniżżla hawn fuq, sa ma jingħata avviż ieħor, kull resident Malti li jgħix jew se jzur Tunis huwa avżat li:

1. Jaqra u jqis l-informazzjoni provduta mill-avviż tal-ivvjaġġar; li jibqa jgħodd sa ma jingħata avviż ieħor.
2. Ma jattendix jew jipparteċipax fil-protesti mwettqa fil-post proprju. Kull resident Malti għandu jsegwi l-istruzzjonijiet maħruġa mill-forzi tas-sigurtà Tuneżini, inklużi istruzzjonijiet biex jibqgħu fil-post tar-residenza f’ċertu żoni.
3. Jevita li jmur Kasserine.
Barra minn hekk, il-Ministeru tal-Affarijiet Barranin u l-Promozzjoni tal-Kummerċ jagħti parir lir-residenti Maltin li sejrin it-Tuneżija biex ma jivvjaġġawx fiż-żoni u r-reġjuni segwenti:

• Iċ-Chaambi Mountain National Park u ż-żoni magħżula għall-operazzjonijiet Militari; Mount Salloum, Mount Sammamma u Mount Mghila.
• Iż-żona militarizzata fin-nofsinhar tal-irħula El Borma u Dhehiba
• L-20 kilometru fiż-żona tal-bqija tal-fruntiera mal-Libja fit-tramuntana ta’ Dhehiba
• Ir-raħal ta’ Ben Guerdane u ż-żoni immedjati tal-madwar.

Barra minn hekk, huwa rrakkomandat li jiġi evitat kull vjaġġar għajr l-essenzjali:

• Fiż-żoni fin-nofsinhar ta’ u inkluzi l-irħula ta’ Nefta, Douz, Médenine, Zarzis
• Iż-żoni li jinsabu sa 30 kilometru mill-fruntiera mal-Alġerija fin-nofsinhar ta’ u inkluż ir-raħal ta’ Jendouba (din iż-żona tinkludi s-siti arkeoloġiċi ta’ Bulla Regia u Chemtou)

Barra minn hekk, il-Ministeru javża wkoll kontra kull ivvjaġġar indipendenti fid-deżert fin-nofsinhar tat-Tuneżija fejn frekwentament jiġu rrapurtati attivitajiet tal-milizzja u ta’ kuntrabandu. Iż-żona tas-Sahara tat-Tuneżija huwa kkontrollat mill-Ministeru tad-difiża Nazzjonali minn Ġunju tal-2012 u l-aċċess għal din iż-żona hija soġġetta għal proċeduri stabbiliti mill-awtoritajiet Tuneżini.

Il-Ministeru jagħti parir ukoll li tittieħed kull miżura ta’ sigurtà fl-ivvjaġġar mal-bqija tat-Tuneżija wkoll. Kien hemm ukoll żieda fil-preżenza tas-sigurtà Tuneżina mal-fruntieri mal-Libja u l-Alġerija minħabba attivitajiet terroristiċi transkonfinali u ġlied fil-Libja. Il-qsim tal-fruntieri jista’ jkun okkażżjonalment magħluq temporanjament mingħajr notifika. Seħħew numru ta’ inċidenti vjolenti. Hija rrakomandata l-viġilanza kostanti.

Vjaġġaturi Maltin huma avżatu jsegwu l-istruzzjonijiet kollha maħruġa mill-forzi tas-sigurtà Tuneżini f’kull mument. In-nuqqas ta’ konformità ma’ dan jista’ jwassal għall-użu tal-forza.

Il-vjaġġaturi huma avżati bis-sħiħ wkoll biex iġorru l-passaport u forma ta’ identifikazzjoni fotografika f’kull ħin. Hija rrakkomandata wkoll bis-sħiħ polza komprensiva tal-assigurazzjoni tal-ivvjaġġar. Huwa rrakkomandat ukoll li jinxtorob ilma mill-flixkun u jiġu evitati xarbiet bil-blokki tas-silġ.

F’każ ta’ diffikultà, l-Ambaxxata Maltija f’Tunis tista’ tiġi kkuntattjata fil-koordinati segwenti:

L-Ambaxxata tar-Repubblika ta' Malta
Imm. Carthage Centre, Rue du Lac de Constance
B.P. 71, 1053 Les Berges du Lac,
Tunis, TUNEŻIJA
Tel: +216 (71) 965 811, (71) 963 652
Tel (Konsulat): +216 (71) 965 215
Num. ta’ Emerġenza: +216 29565811
Email: maltaembassy.tunis@gov.mt

Il-Ministeru tal-Affarijiet Barranin u l-Promozzjoni tal-Kummerċ jista’ jiġi kkuntattjat fuq in-numru tat-telefon (+356) 21242191.

l-Ukrajna 21/12/2017

Evita kull safar f'ċerti nħawi

Il-Ministeru għall-Affarijiet Barranin u l-Promozzjoni tal-Kummerċ javża liċ-ċittadini Maltin kollha biex jevitaw l-ivvjaġġar kollu lejn iż-żoni li ġejjin: Donetsk oblast, Luhansk oblast u l-Krimea. Is-sitwazzjoni tas-sigurtà fil-partijiet tax-Xlokk ta' Donetsk u Luhansk Oblasts tal-Ukrajna tibqa' instabbli ħafna. Partijiet minn dawn id-distretti amministrattivi bħalissa mhumiex ikkontrollati mill-gvern Ukren imma mill-forzi separatisti. Il-forzi armati Ukreni u l-forzi ribelli qed jaffaċċjaw lil xulxin f'dik hekk imsejħa "linja ta' kuntatt", fejn kuljum ikun hemm il-ġlied.

Il-Krimea tkompli tkun parti mill-Ukrajna taħt il-liġi internazzjonali, imma bħalissa hija kkontrollata mir-Russja. Sa minn Ġunju 2015, l-ivvjaġġar lejn il-Krimea mill-Ukrajna kontinentali jirrikjedi permess maħruġ mill-awtorità kompetenti Ukrena, li jinħareġ biss taħt ċerti kundizzjonijiet, imma mhux għal għanijiet turistiċi. Id-dħul fil-Krimea mit-territorju Russu jikkostitwixxi ksur tal-liġi Ukrena. Barra minn hekk, it-tbaħħir bħalissa jinsab ristrett mill-għeluq ta' portijiet marittimi ta' pajjiżi terzi fil-Krimea.

Is-sitwazzjoni f'Kiev u fl-ibliet tal-Punent hija ġeneralment kalma, minkejja li l-awtoritajiet Ukreni ssikkaw il-miżuri ta' sigurtà u għollew il-livell tal-allert fi Kiev u fi bliet ewlenin madwar il-pajjiż. Fil-bini tal-gvern u madwaru jsiru dimostrazzjonijiet pubbliċi fuq bażi regolari. Il-vjaġġaturi huma mħeġġa jevitaw id-dimostrazzjonijiet, jibqgħu viġilanti u josservaw il-midja għal tagħrif dwar ir-riskji possibbli għas-sikurezza jew għas-sigurtà.

Fil-każ ta' diffikultà, iċ-ċittadini Maltin fl-Ukrajna jistgħu jikkuntattjaw lill-Konslu Onorarju ta' Malta fi Kiev fuq il-koordinati li ġejjin:

Konsulat Onorarju tar-Repubblika ta' Malta
Kiev
b'ġurisdizzjoni fuq l-Ukrajna

Is-Sur Pavlo Mykolayovych Grechkivsky, Konslu Onorarju
2nd Floor, 13/1, Chervonoarmiyska Street, Kyiv, 01601 Ukraine
Telefon: 0038 044 2355152
Faks: 0038 044 2355152
Posta elettronika: maltaconsul.kiev@gov.mt

Wieħed jista' wkoll jagħmel kuntatt mal-Ministeru għall-Affarijiet Barranin u l-Promozzjoni tal-Kummerċ permezz tat-telefon (+356) 21242191.

Venezuela 21/12/2017

Evita kull safar jekk mhuwiex meħtieġ

F'Mejju 2016 ġie ddikjarat stat ta' emerġenza fil-Venezwela. Il-pajjiż qed ikompli jesperjenza livelli għolja ta' kriminalità u rati ta' omiċidju estremament għolja, inkwiet politiku u soċjali kontinwu, nuqqas ta' ikel u mediċina bażika, u nuqqas ta' elettriku u provvisti tal-ilma. Is-sitwazzjoni tas-sigurtà fil-pajjiż hija prekarja u mhux prevedibbli.

F'dan ir-rigward, il-Ministeru għall-Affarijiet Barranin u l-Promozzjoni tal-Kummerċ javża liċ-ċittadini Maltin kollha kontra l-ivvjaġġar kollu lejn:

· distanza ta' 80 km mill-fruntiera Kolombjana fl-istati ta' Zulia, Tachira, Barinas, Apure u Bolívar
· distanza ta' 80 km mill-fruntiera Kolombjana fl-istat ta' Amazonas 'l isfel sa 100 km (62 mil) fin-Nofsinhar ta' Puerto Ayacucho
· distanza ta' 40 km mill-bqija tal-fruntiera Kolombjana

It-traffikanti tad-droga u l-gruppi armati illegali joperaw f'dawn iż-żoni u hemm riskju għoli ta' ħtif. Barra minn hekk, fix-xhur reċenti, kien hemm diversi inċidenti ewlenin ta' vjolenza f'bosta bliet, inkluż Caracas, Barquisimeto, Valencia u Maracay.  Il-preżenza tal-infurzar tal-liġi f'dawn il-bliet tnaqqset b'mod sinifikanti u l-inċidenti tal-kriminalità vjolenti qed jiżdiedu. Il-Ministeru javża kontra l-ivvjaġġar kollu ħlief dak essenzjali lejn il-bqija tal-pajjiż.

Iċ-ċittadini Maltin għalhekk huma avażati biex ikunu viġilanti l-ħin kollu u jsegwu l-istruzzjonijiet tal-awtoritajiet lokali. Huwa rakkomandat li wieħed jaġixxi bl-akbar kawtela u diskrezzjoni, b'mod partikolari fi bliet kbar. Il-vjaġġaturi għandhom jevitaw ukoll id-dimostrazzjonijiet u kull tip ta' laqgħat tal-massa, u jibqgħu infurmati dwar l-evoluzzjoni tas-sitwazzjoni permezz tal-midja. Jekk wieħed ma jkollux bżonn urġenti li jibqa' fil-pajjiż huwa jew hija għandu jikkunsidra bis-sħiħ li jitlaq mill-pajjiż (b'mezzi kummerċjali), jekk ikun sikur li jagħmel dan.

Il-gvern Venezwelan ordna l-għeluq temporanju tal-fruntiera mal-Kolombja (miftuħa għat-traffiku bil-mixi biss). Il-vjaġġaturi għandhom jikkuntattjaw lill-operatur turistiku tagħhom qabel jivvjaġġaw għal aktar informazzjoni.

Il-vjaġġaturi għandhom jinnotaw li Caracas hija moqdija biss minn ftit linji tal-ajru. It-tibdil fi żmien qasir fil-ħinijiet u fir-rotot tat-titjiriet huwa possibbli. Il-vjaġġaturi huma avżati ħafna biex jikkuntattjaw il-linja tal-ajru tagħhom qabel it-tluq u biex jikkonfermaw it-titjiriet riżervati tagħhom.

Il-vjaġġaturi huma mħeġġa ħafna jivverifikaw il-protezzjoni tagħhom permezz tat-tilqim qabel jivvjaġġaw minħabba ż-żieda fil-każijiet tad-difterija. Il-każijiet tal-malarja żdiedu ħafna wkoll, għalhekk il-vjaġġaturi għandhom jiżguraw protezzjoni adegwata mill-mard li jinġarr min-nemus. Huwa rakkomandat bis-sħiħ li l-vjaġġaturi jkollhom kopertura tal-assigurazzjoni tas-saħħa globali suffiċjenti inkluż assigurazzjoni tal-ivvjaġġar affidabbli.

Fil-każ ta' diffikultà, iċ-ċittadini Maltin fil-Venezwela jistgħu jikkuntattjaw lill-Ministeru għall-Affarijiet Barranin u l-Promozzjoni tal-Kummerċ ta' Malta fuq il-koordinati li ġejjin:

Ministeru għall-Affarijiet Barranin u l-Promozzjoni tal-Kummerċ
Palazzo Parisio
Triq il-Merkanti, Valletta, Malta
Nru tat-telefon (+356) 21242191
Posta elettronika: consular.mftp@gov.mt

il-Jemen 21/12/2017

Evita kull safar

Minħabba ż-żieda fil-kunflitti u l-kriżi umanitarja li qed teskala, il-Ministeru għall-Affarijiet Barranin u l-Promozzjoni tal-Kummerċ javża kontra l-ivvjaġġar kollu lejn il-Jemen, inkluż il-gżejjer tiegħu, u jħeġġeġ liċ-ċittadini Maltin fil-pajjiż biex jitilqu immedjatament.

Is-sitwazzjoni politika u tas-sigurtà huma estremament volatili fil-pajjiż kollu. Il-kunflitt armat fil-Jemen ikompli wara l-falliment tal-aħħar taħditiet għall-paċi fil-Kuwajt f'Awwissu 2016. Partijiet kbar mill-pajjiż huma affettwati minn bombardamenti ta' kuljum, attakki bir-rokits u ġlied fuq l-art. It-tmiem tal-operazzjonijiet militari mhuwiex previst fil-preżent. L-istituzzjonijiet tal-Istat huma biss limitati ħafna fil-funzjonament tagħhom fuq livell nazzjonali. Partijiet kbar mill-pajjiż mhumiex taħt il-kontroll tal-gvern. L-organi tas-sigurtà tal-Istat jiffunzjonaw biss parzjalment u ma jistgħux jiggarantixxu biżżejjed protezzjoni.

Il-moviment tan-Nofsinhar tal-Jemen qed ifittex l-indipendenza min-Nofsinhar, li ġie unifikat mat-Tramuntana fl-1990. Qed ikomplu dimostrazzjonijiet massivi li spiss huma konnessi ma' rvelli vjolenti. It-tensjonijiet bejn it-Tramuntana u n-Nofsinhar tal-Jemen jikkontribwixxu għall-instabbiltà tal-pajjiż.

Fil-Jemen, ikun hemm attakki terroristiċi regolari fuq il-forzi tas-sigurtà u sabotaġġi tal-infrastrutturi. L-Al Qaeda ripetutament wettqet ħtif fil-Peniżola Għarbija. Il-barranin tal-Punent huma partikolarment fir-riskju. Il-ħtif ġeneralment iseħħ fil-pajjiż kollu, inkluż fl-ibliet u fil-kapitali.

Hemm ukoll ir-riskji ta' mini li għadhom ma splodewx tul it-triq prinċipali minn Aden sa Sana'a għal Al-Anad, tul it-toroq kostali fil-Lvant ta' Aden u fil-Punent ta' Mukalla u madwar il-belt tal-port ta' Bir Ali.

Għad hemm ir-riskju tal-piraterija u ta' nies midruba lil hinn mill-kosta tas-Somalja u tal-istati tal-viċinat, kif ukoll fl-ilmijiet ta' ħdejhom. Il-vapuri fl-Oċean Indjan (madwar is-Seychelles u l-Madagascar) kif ukoll fil-Kenja, it-Tanzanija, il-Mozambique, il-Jemen u l-Oman ukoll jinsabu fir-riskju li jiġu attakkati u maqbuda.

Il-gżejjer fil-Baħar l-Aħmar huma fil-biċċa l-kbira tagħhom żoni ristretti militari. Il-kunflitti mal-Eritrea jseħħu regolarment minħabba d-drittijiet tas-sajd fil-Baħar l-Aħmar. Fiż-żona ta' Bab al-Mandab u fl-ilmijiet lil hinn mill-kosta tas-Somalja, qegħdin dejjem iżjed jiġu rrappurtati inċidenti ta' piraterija u kwistjonijiet ta' kontrabandu tar-refuġjati mis-Somalja għall-Jemen.

Il-Jemen bħalissa qed jesperjenza wkoll tifqigħa ta' difterija. L-Organizzazzjoni Dinjija tas-Saħħa tirrapporta li ħafna mill-każijiet tad-difterija u l-imwiet relatati ġew irreġistrati fil-provinċja ta' Ibb, imma t-tifqigħa qed tinfirex malajr, u diġà qed taffettwa 13-il provinċja.

Billi Malta m'għandhiex rappreżentanza diplomatika fil-Jemen, fil-każ ta' diffikultà fil-pajjiż, iċ-ċittadini Maltin jistgħu jikkuntattjaw lill-Ministeru għall-Affarijiet Barranin u l-Promozzjoni tal-Kummerċ fuq il-koordinati li ġejjin:

Ministeru għall-Affarijiet Barranin u l-Promozzjoni tal-Kummerċ
Palazzo Parisio
Triq il-Merkanti, Valletta, Malta
Nru tat-telefon (+356) 21242191
Posta elettronika: consular.mftp@gov.mt





l-Awstrija 03/10/2017

Ħu prekawzjonijiet normali

Il-kontrolli ta' immigrazzjoni huma temporanjament fis-seħħ fil-punti ta' qsim tal-fruntiera fuq l-art mal-Ungerija u mas-Slovenja. Iċ-ċittadini Maltin għandhom għalhekk iġorru magħhom il-passaport meta jaqsmu l-fruntiera lejn, jew minn, l-Awstrija, u jivverifikaw mal-fornitur tat-trasport tagħhom għal kwalunkwe aġġornament. Barra minn hekk, iċ-ċittadini Maltin għandhom jinnotaw li mill-1 ta' Ottubru 2017, huwa illegali li tgħatti wiċċek f'postijiet pubbliċi jew f'bini pubbliku bl-użu ta' drapp jew oġġetti oħra biex taħbi wiċċek, u ma tħallix il-karatteristiċi tal-wiċċ jintgħarfu.

Fil-każ ta' diffikultà, iċ-ċittadini Maltin jistgħu jikkuntattjaw lill-Ambaxxata tar-Repubblika ta' Malta fi Vjenna fuq il-koordinati li ġejjin:
L-Ambaxxata tar-Repubblika ta’ Malta
Opernring 5/1, A-1010 Vienna, Austria
Telefon: 0043 (1) 586 5010, 586 5020
Nru f'każ ta' emerġenza: 0043 664 820 8619 (wara l-ħinijiet tal-uffiċċju)
Posta elettronika: maltaembassy.vienna@gov.mt

Wieħed jista' wkoll jagħmel kuntatt mal-Ministeru għall-Affarijiet Barranin u l-Promozzjoni tal-Kummerċ permezz tat-telefon (+356) 21242191.

id-Danimarka 03/10/2017

Ħu prekawzjonijiet normali

Il-kontrolli ta' immigrazzjoni huma temporanjament fis-seħħ fil-portijiet Daniżi b'konnessjonijiet bil-vapur mal-Ġermanja u fil-fruntiera fuq l-art Daniża-Ġermaniża. Għalhekk iċ-ċittadini Maltin għandhom iġorru magħhom il-passaport meta jaqsmu l-fruntiera lejn, jew mid-Danimarka, u jivverifikaw mal-fornitur tat-trasport tagħhom għal kwalunkwe aġġornament.

Fil-każ ta' diffikultà, iċ-ċittadini Maltin jistgħu jikkuntattjaw lill-Ambaxxata ta' Malta f'The Hague:
L-Ambaxxata tar-Repubblika ta’ Malta
Carnegielaan 4-14, 2517 KH, The Hague
Telefon: 0031 (70) 356 1252, 360 2205
Mowbajl f'każ ta' Emerġenza: 0031 (0) 6 38314144
Posta elettronika: maltaembassy.thehague@gov.mt

jew il-Konslu Onorarju ta' Malta f'Copenhagen:
Is-Sur Steen Juel Nielsen, Konslu Ġenerali Onorarju
c/o Juel Nielsen Holding A/S,
Lyngebaekgårds Alle 2
2990 Nivå
Telefon: 0045 4556 0056
Posta elettronika: maltaconsul.copenhagen@gov.mt

Wieħed jista' wkoll jagħmel kuntatt mal-Ministeru għall-Affarijiet Barranin u l-Promozzjoni tal-Kummerċ permezz tat-telefon (+356) 21242191.

il-Ġermanja 13/10/2017

Ħu prekawzjonijiet normali

Fid-dawl tal-ġlieda kontinwa kontra t-terroriżmu u l-immigrazzjoni illegali, l-awtoritajiet Ġermaniżi ħadu numru ta' miżuri biex iżidu s-sigurtà interna tal-pajjiż. Għal din ir-raġuni, il-kontrolli ta' immigrazzjoni temporanjament fis-seħħ fil-fruntiera fuq l-art bejn il-Ġermanja u l-Awstrija ġew estiżi, u l-kontrolli fuq il-fruntiera japplikaw għal titjiriet lejn il-Ġermanja li joriġinaw mill-Greċja.
Għalhekk huwa rakkomandat li ċ-ċittadini Maltin iġorru magħhom il-passaport meta jaqsmu l-fruntiera lejn, jew mill-Ġermanja, u jivverifikaw mal-fornitur tat-trasport tagħhom għal kwalunkwe aġġornament.

Fil-każ ta' diffikultà, iċ-ċittadini Maltin jistgħu jikkuntattjaw lill-Ambaxxata ta' Malta f'Berlin fuq il-koordinati li ġejjin:
L-Ambaxxata tar-Repubblika ta’ Malta
Klingelhöferstrasse 7, 10785 Berlin, Federal Republic of Germany
Telefon: 0049 (0) 30 263 9110
Mowbajl f'każ ta' emerġenza: 0049 (0) 170 8319 236
Posta elettronika: maltaembassy.berlin@gov.mt

Wieħed jista' wkoll jagħmel kuntatt mal-Ministeru għall-Affarijiet Barranin u l-Promozzjoni tal-Kummerċ permezz tat-telefon (+356) 21242191.

Madagascar 20/11/2017

Evita kull safar

Il-Ministeru għall-Affarijiet Barranin u l-Promozzjoni tal-Kummerċ javża liċ-ċittadini Maltin kollha li bħalissa hemm tifqigħa tal-pesta fil-Madagascar. Il-miżuri ta' kontroll tas-saħħa se jibqgħu fis-seħħ sal-aħħar ta' April 2018. Filwaqt li l-Organizzazzjoni Dinjija tas-Saħħa ma twissix kontra restrizzjonijiet fuq l-ivvjaġġar abbażi tas-sitwazzjoni preżenti, il-vjaġġaturi Maltin jistgħu jirreferu għan-nota ta' informazzjoni maħruġa mill-Ministeru għas-Saħħa permezz tal-weblink li ġejja: https://deputyprimeminister.gov.mt/en/health-promotion/idpcu/Documents/PLAGUE-%20information%20for%20travellers.pdf.

Il-Ministeru jinforma wkoll li l-awtoritajiet fil-Madagascar qed jieħdu l-prekawzjonijiet sanitarji meħtieġa kollha u daħħlu fis-seħħ miżuri ta' skrinjar speċifiċi fil-punti kollha tat-tluq mill-pajjiż. Kwalunkwe persuna li reċentement ivvjaġġat lejn il-Madagascar u bħalissa għandha sintomi tal-pesta għandha immedjatament tfittex attenzjoni medika. Huwa rakkomandat li wieħed ikollu assigurazzjoni medika u tal-ivvjaġġar komprensiva.

Barra minn hekk, il-vjaġġaturi jistgħu jesperjenzaw dewmien fl-ivvjaġġar lejn pajjiżi tal-viċinat fir-reġjun, notevolment Comoros, l-Etjopja, il-Kenja, Mauritius, il-Mozambique, Réunion u Mayotte, is-Seychelles, l-Afrika t'Isfel u t-Tanzanija, minħabba sorveljanza msaħħa fil-punti tad-dħul.

Fil-każ ta' għajnuna, iċ-ċittadini Maltin li bħalissa jinsabu fil-Madagascar jistgħu jikkuntattjaw lill-Konslu Onorarju f'Antananarivo fuq il-koordinati li ġejjin:

Is-Sur Bertil Akesson
Konslu Onorarju
Immeuble S.A.C.M.,
Lalana Rovoninahitriniarovo - Ankorondrano,
B.P. 1182 Antananarivo
Telefon: 00261 (20) 222 7144; 222 0954; 222 7789
Faks: 00261 (20) 223 4853
Posta elettronika: maltaconsul.antananarivo@gov.mt

Wieħed jista' wkoll jagħmel kuntatt mal-Ministeru għall-Affarijiet Barranin u l-Promozzjoni tal-Kummerċ permezz tat-telefon (+356) 21242191.

il-Korea ta’ Fuq 20/12/2017

Evita kull safar

Il-Ministeru għall-Affarijiet Barranin u l-Promozzjoni tal-Kummerċ javża liċ-ċittadini Maltin kollha biex jevitaw kwalunkwe vvjaġġar organizzat lejn ir-Repubblika Demokratika tal-Poplu tal-Korea (il-Korea ta' Fuq).

Fid-dawl tat-tensjonijiet politiċi fir-reġjun, fejn aktar testijiet bil-missili jew nukleari ma jistgħux jiġu esklużi, is-sitwazzjoni tista' tinbidel bi ftit avviż jew xejn. Jekk din is-sitwazzjoni tiġri, il-provvista ta' kwalunkwe forma ta' għajnuna konsulari se tkun estremament diffiċli. Mhuwiex possibbli li tivvjaġġa lejn ir-Repubblika Demokratika tal-Poplu tal-Korea mir-Repubblika tal-Korea.

Billi Malta m'għandhiex rappreżentanza diplomatika fir-Repubblika Demokratika tal-Poplu tal-Korea, fil-każ ta' diffikultà, iċ-ċittadini Maltin jistgħu jikkuntattjaw lill-Ministeru għall-Affarijiet Barranin u l-Promozzjoni tal-Kummerċ fuq il-koordinati li ġejjin:

Ministeru għall-Affarijiet Barranin u l-Promozzjoni tal-Kummerċ
Palazzo Parisio
Triq il-Merkanti, Valletta, Malta
Nru tat-telefon (+356) 21242191
Posta elettronika: consular.mfa@gov.mt

il-Korea t’Isfel 20/12/2017

Eżerċita livell għoli ta' prudenza

Il-Ministeru għall-Affarijiet Barranin u l-Promozzjoni tal-Kummerċ javża liċ-ċittadini Maltin kollha biex jeżerċitaw il-kawtela meħtieġa meta jivvjaġġaw lejn dan il-pajjiż.

L-ivvjaġġar jibqa' sikur u possibbli, madankollu l-livell ta' tensjoni fuq il-peniżola Koreana huwa għoli u s-sitwazzjoni tas-sigurtà tista' tinbidel bi ftit avviż. Minkejja li dawn it-tensjonijiet normalment ma jaffettwawx il-ħajja ta' kuljum, il-vjaġġaturi huma mħeġġa jżommu ruħhom aġġornati mill-kopertura tal-aħbarijiet lokali u internazzjonali u jsegwu l-pariri tal-awtoritajiet lokali.

Fl-2018, Pyeongchang se tkun qed tospita l-Logħob Olimpiku tax-Xitwa bejn id-9 u l-25 ta' Frar 2018, filwaqt li l-Logħob Paralimpiku se jsir bejn id-9 u t-18 ta' Marzu 2018. Aktar tagħrif jinsab fuq is-sit web li ġej: https://www.pyeongchang2018.com/en/spectator-guide

Fil-każ ta' emerġenza, iċ-ċittadini Maltin huma mħeġġa jikkooperaw ma' u jsegwu l-gwida mill-awtoritajiet rilevanti tal-Korea t'Isfel. Iċ-ċittadini Maltin huma mħeġġa wkoll ifittxu l-għajnuna mill-Konslu Onorarju f'Seoul bħala l-ewwel punt ta' kuntatt fil-pajjiż, jew fl-eqreb Ambaxxata tal-UE f'Seoul:

Is-Sur Kwang Yong Ly, Konslu Onorarju
Room 311, Sungchang Building 60-3,
2-KA, Chungmu-Ro, Chung-Ku, Seoul
Telefon: 0082 (2) 778 9201
Faks: 0082 (2) 778 9202
Mowbajl: 0082 (11) 232 9128
Posta elettronika: maltaconsul.seoul@gov.mt

Wieħed jista' wkoll jagħmel kuntatt mal-Ministeru għall-Affarijiet Barranin u l-Promozzjoni tal-Kummerċ permezz tat-telefon 21242191.

in-Norveġja 03/10/2017

Ħu prekawzjonijiet normali

Il-Ministeru għall-Affarijiet Barranin u l-Promozzjoni tal-Kummerċ javża liċ-ċittadini Maltin kollha li temporanjament hemm kontrolli ta' immigrazzjoni fis-seħħ fil-portijiet Norveġiżi b'konnessjonijiet bil-vapur mad-Danimarka, il-Ġermanja u l-Iżvezja. Iċ-ċittadini Maltin għandhom għalhekk iġorru magħhom il-passaport meta jaqsmu l-fruntiera lejn, jew min-Norveġja, u jivverifikaw mal-fornitur tat-trasport tagħhom għal kwalunkwe aġġornament.

Fil-każ ta' diffikultà, iċ-ċittadini Maltin jistgħu jikkuntattjaw lill-Ambaxxata tar-Repubblika ta' Malta fuq il-koordinati li ġejjin:

L- Ambaxxata tar-Repubblika ta' Malta
Carnegielaan 4-14, 2517 KH, The Hague
Telefon: 0031 (70) 356 1252, 360 2205
Mowbajl f'każ ta' Emerġenza: 0031 (0) 6 38314144
Posta elettronika: maltaembassy.thehague@gov.mt

Jew il-Konslu Onorarju ta' Malta f'Oslo:

Is-Sur Petter Larsen, Konslu Ġenerali Onorarju
Nordheimbakken 5, 0378 Oslo
Telefon: 0047 (22) 921526, 0047 (920) 89277
Posta elettronika: maltaconsul.oslo@gov.mt

Wieħed jista' wkoll jagħmel kuntatt mal-Ministeru għall-Affarijiet Barranin u l-Promozzjoni tal-Kummerċ permezz tat-telefon (+356) 21242191.

il-Qatar 13/11/2017

Eżerċita livell għoli ta' prudenza

L-Arabja Sawdija, l-Emirati Għarab Magħquda, il-Bahrain u l-Eġittu qatgħu r-rabtiet diplomatiċi mal-Qatar aktar kmieni din is-sena. Dan wassal għall-għeluq ta' toroq, rotot bl-ajru u bil-baħar bejn dawn il-pajjiżi u l-Qatar, kif ukoll għal restrizzjonijiet fuq l-ivvjaġġar u fuq ir-residenza li jaffettwaw liċ-ċittadini tal-Qatar. Il-fruntiera fuq l-art bejn il-Qatar u l-Arabja Sawdija hija magħluqa. It-titjiriet kollha bejn il-Qatar u l-Arabja Sawdija, l-Emirati Għarab Magħquda, l-Eġittu u l-Bahrain huma sospiżi sakemm joħroġ avviż ieħor. Minħabba dawn il-miżuri, il-vjaġġaturi fir-reġjun huma aktarx li jiltaqgħu ma' tfixkil. Għalhekk, kull ċittadin Malti fir-reġjun huwa avżat biex jivverifika mal-linja tal-ajru tiegħu jew mal-aġent tal-ivvjaġġar tiegħu qabel jivvjaġġa. Iċ-ċittadini Maltin huma avżati wkoll biex jibqgħu viġilanti fiż-żoni pubbliċi minħabba kwalunkwe attakk terroristiku possibbli fir-reġjun, u biex josservaw l-iżviluppi permezz tal-midja u jsegwu kwalunkwe struzzjonijiet mill-awtoritajiet lokali. Il-vjaġġaturi huma mħeġġa jirrispettaw il-kultura u t-tradizzjonijiet Musulmani tal-pajjiż.

Billi Malta m'għandhiex rappreżentanza diplomatika fil-Qatar, fil-każ ta' diffikultà, iċ-ċittadini Maltin jistgħu jikkuntattjaw lill-Ministeru għall-Affarijiet Barranin u Promozzjoni tal-Kummerċ fuq il-koordinati li ġejjin: Ministeru għall-Affarijiet Barranin u l-Promozzjoni tal-Kummerċ, Palazzo Parisio, Triq il-Merkanti, Valletta, Malta
Nru tat-telefon (+356) 21242191
Posta elettronika: consular.mfa@gov.mt

l-Iżvezja 03/10/2017

Ħu prekawzjonijiet normali

Il-Ministeru għall-Affarijiet Barranin u l-Promozzjoni tal-Kummerċ javża liċ-ċittadini Maltin kollha li temporanjament hemm kontrolli ta' immigrazzjoni fis-seħħ fil-portijiet Żvediżi fir-Reġjun Polizjesk fin-Nofsinhar u fil-Punent u fuq il-pont Öresund. Iċ-ċittadini Maltin għandhom għalhekk iġorru magħhom il-passaport meta jaqsmu l-fruntiera lejn, jew mill-Iżvezja, u jivverifikaw mal-fornitur tat-trasport tagħhom għal kwalunkwe aġġornament.

Fil-każ ta' diffikultà, iċ-ċittadini Maltin jistgħu jikkuntattjaw lill-Ambaxxata tar-Repubblika ta' Malta fuq il-koordinati li ġejjin:
L- Ambaxxata tar-Repubblika ta' Malta
Carnegielaan 4-14, 2517 KH, The Hague
Telefon: 0031 (70) 356 1252, 360 2205
Mowbajl f'każ ta' Emerġenza: 0031 (0) 6 38314144
Posta elettronika: maltaembassy.thehague@gov.mt

Jew il-Konslu Onorarju ta' Malta fi Stokkolma:
Is-Sur Clas Gustav Johannes Romander, Konslu Onorarju
Mäster Samuelsgatan 17, Stockholm, Sweden
Telefon: 0046 08 6775400
Posta elettronika: maltaconsul.stockholm@gov.mt; clas.romander@delphi.se

Wieħed jista' wkoll jagħmel kuntatt mal-Ministeru għall-Affarijiet Barranin u l-Promozzjoni tal-Kummerċ permezz tat-telefon (+356) 21242191.

l-Emirati Għarab Magħquda 23/11/2017

Eżerċita livell għoli ta' prudenza

L-Emirati Għarab Magħquda qatgħu r-rabtiet diplomatiċi mal-Qatar aktar kmieni din is-sena. Dan wassal għall-għeluq ta' toroq, rotot bl-ajru u bil-baħar bejn l-Emirati Għarab Magħquda u l-Qatar, kif ukoll għal restrizzjonijiet fuq l-ivvjaġġar li jaffettwaw lil kull min għandu residenza fil-Qatar. It-titjiriet kollha bejn l-Emirati Għarab Magħquda u l-Qatar huma sospiżi sakemm joħroġ avviż ieħor. Minħabba dawn il-miżuri, il-vjaġġaturi fir-reġjun huma aktarx li jiltaqgħu ma' tfixkil. Għalhekk, kull ċittadin Malti fir-reġjun huwa avżat biex jivverifika mal-linja tal-ajru tiegħu jew mal-aġent tal-ivvjaġġar tiegħu qabel jivvjaġġa. Iċ-ċittadini Maltin huma avżati wkoll biex jibqgħu viġilanti fiż-żoni pubbliċi minħabba kwalunkwe attakk terroristiku possibbli fir-reġjun, u biex josservaw l-iżviluppi permezz tal-midja u jsegwu kwalunkwe struzzjonijiet mill-awtoritajiet lokali. Il-vjaġġaturi huma mħeġġa jirrispettaw il-kultura u t-tradizzjonijiet Musulmani tal-pajjiż.

Fil-każ ta' emerġenza, iċ-ċittadini Maltin jistgħu jikkuntattjaw lill-Ambaxxata tar-Repubblika ta' Malta f'Abu Dhabi fuq il-koordinati li ġejjin:
Villa 31, Almaqtaa Area, Bain Aljisreen,
10 Street, Abu Dhabi, P.O. Box 30501,
United Arab Emirates
Telefon: 00971 2 4448646
Mowbajl f'każ ta' Emerġenza: 00971 (0)50 468 3915
Posta elettronika: maltaembassy.abudhabi@gov.mt

Wieħed jista' wkoll jagħmel kuntatt mal-Ministeru għall-Affarijiet Barranin u l-Promozzjoni tal-Kummerċ permezz tat-telefon (+356) 21242191.

iż-Żimbabwe 20/11/2017

Evita kull safar jekk mhuwiex meħtieġ

Il-Ministeru għall-Affarijiet Barranin u l-Promozzjoni tal-Kummerċ javża liċ-ċittadini Malta biex jevitaw kull ivvjaġġar ħlief dak essenzjali lejn Harare, minħabba s-sitwazzjoni politika inċerta. Il-vjaġġaturi huma avżati b'enfasi qawwija biex jibqgħu viġilanti, biex jillimitaw l-ivvjaġġar, u biex jevitaw iċ-ċentru tal-belt u l-bini tal-gvern. Barra minn hekk, huwa rakkomandat li l-vjaġġaturi jżommu 'l bogħod mid-dimostrazzjonijiet u mil-laqgħat tal-massa kollha, u jsegwu l-iżviluppi fil-midja lokali u internazzjonali.

Billi Malta m'għandhiex rappreżentanza diplomatika fiż-Żimbabwe, fil-każ ta' diffikultà, iċ-ċittadini Maltin jistgħu jikkuntattjaw lill-Ministeru għall-Affarijiet Barranin u l-Promozzjoni tal-Kummerċ fuq il-koordinati li ġejjin: Ministeru għall-Affarijiet Barranin u l-Promozzjoni tal-Kummerċ, Palazzo Parisio, Triq il-Merkanti, Valletta, Malta
Nru tat-telefon (+356) 21242191
Posta elettronika: consular.mfa@gov.mt

it-Turkija 21/12/2017

Eżerċita livell għoli ta' prudenza

Fis-16 ta' Ottubru 2017, il-gvern Tork ġedded l-istat ta' emerġenza ddikjarat wara l-attentat ta' kolp f'Lulju 2016, fuq livell nazzjonali għal perjodu ta' 3 xhur. Fuq din il-bażi, il-curfews huma imposti fi żmien qasir, u t-tiftix u l-kontrolli ġenerali tal-identità jitwettqu fi kwalunkwe ħin.

Id-dikjarazzjonijiet politiċi li jsiru fil-pubbliku kontra l-istat Tork, is-simpatija ma' organizzazzjonijiet ikklassifikati bħala terroristiċi mit-Turkija, kif ukoll l-insulti jew it-tmaqdir lejn l-istituzzjonijiet tal-Istat u lejn personalitajiet ta' livell għoli huma pprojbiti u jirriżultaw f'multi jew priġunerija. Id-dikjarazzjonijiet li jikkritikaw lill-gvern fuq l-Internet u fuq il-midja soċjali jistgħu jiġu inklużi wkoll f'dan ir-reat.

Sa mill-2015 seħħew attakki terroristiċi ripetuti fit-Turkija. Mhuwiex eskluż li l-gruppi terroristiċi jistgħu jkomplu jippruvaw iwettqu attakki, b'mod speċjali fi bliet kbar. Dawn jistgħu jkunu mmirati wkoll lejn il-barranin. Il-vjaġġaturi għandhom ikunu dejjem aktar viġilanti, b'mod speċjali f'żoni b'ħafna traffiku u f'żoni turistiċi.

Wara t-tħabbira mill-Istati Uniti dwar l-istatus ta' Ġerusalemm fis-6 ta' Diċembru 2017 huma mistennija protesti u dimostrazzjonijiet madwar il-bini jew l-installazzjonijiet tal-Istati Uniti. Il-vjaġġaturi għandhom għalhekk jevitaw dimostrazzjonijiet u jsegwu l-istruzzjonijiet tal-awtoritajiet lokali.

Barra minn hekk, il-Ministeru javża kontra l-ivvjaġġar kollu lejn il-madwar immedjat tal-fruntiera mas-Sirja u mal-Iraq. Kwalunkwe vvjaġġar lejn il-provinċji ta' Sirnak, Mardin, Sanliurfa, Gaziantep, Diyarbakir, Kilis u Hatay, u lejn il-provinċji ta' Siirt, Tunceli u Hakkari, għandu jsir biss għal għanijiet essenzjali, minħabba l-kunflitt fis-Sirja u l-operazzjonijiet militari li jistgħu jikkawżaw danni kollaterali.

Is-sitwazzjoni fuq il-fruntiera mal-Kurdistan Iraqi hija waħda ta' tensjoni. It-Turkija qed torganizza eżerċizzji militari konġunti mal-Iraq. Sa mis-16 ta' Ottubru 2017, it-titjiriet kollha lejn il-Kurdistan Iraqi mhumiex qed jitħallew itiru mill-ispazju tal-ajru Tork.

Fil-każ ta' diffikultà, iċ-ċittadini Maltin jistgħu jikkuntattjaw lill-Ambaxxata tar-Repubblika ta' Malta f'Ankara fuq il-koordinati li ġejjin:

L-Ambaxxata tar-Repubblika ta' Malta
4th Floor
Ugur Mumcu Caddesi 88
Kat4 – 06700 Gaziosmanpasa Akara
Ankara
Telefon: 0090 (0)5050375829

Konsulat Ġenerali ta' Malta (Istanbul)
Aydede Caddesi 16/11
34437 Taksim
Istanbul
Telefon: +90 (212) 311 12 12

Wieħed jista' wkoll jagħmel kuntatt mal-Ministeru għall-Affarijiet Barranin u l-Promozzjoni tal-Kummerċ permezz tat-telefon (+356) 21242191.

ir-Russja 15/01/2018

Ħu prekawzjonijiet normali

2018 FIFA World Cup

Il-Ministeru tal-Affarijiet Barranin u l-Promozzjoni tal-Kummerċ jixtieq jinforma liċ-ċittadini Maltin dwar l-arranġamenti tal-ivvjaġġar għat-2018 FIFA World Cup li ser iseħħ bejn l-14 ta’ Ġunju u l-15 ta’ Lulju tal-2018 fir-Russja.

Ġiet imwaqqfa sistema ta’ FAN ID biex tippermetti dħul mingħajr viża fir-Russja għaċ-ċittadini barranin li xtraw biljetti għal partiti tat-2018 FIFA World Cup. Persuni b’FAN ID ser ikunu jistgħu jidħlu u jibgħu fil-pajjiz waqt perjodu li jibda 10 ijiem qabel l-ewwel partita u jispiċċa 10 ijiem wara l-aħħar partita tat-Tazza tad-Dinja. Il-FAN ID hija neċessarja wkoll biex toħroġ mir-Russja la darba tintuża għad-dħul bla viża.

Il-FAN ID tintitola lid-detenturi li jużaw ċertu servizzi tat-trasport bla ħlas, inkluzi l-ferroviji li joperaw ġol-ibliet u t-trasport pubbliku fl-ibliet ospitanti bl-użu tal-karta tal-FAN ID u l-biljett tal-partita tat-2018 FIFA World Cup. Għal iktar informazzjoni u l-kundizzjoni tal-użu tat-trasport bla ħlas, jekk jogħġbok żur is-sit www.fan-id.ru u www.transport2018.com.

Il-partitarji jistgħu japplikaw għall-FAN ID wara li jottjenu biljett jew jirċievu konferma ta’ xiri għal biljett ta’ partita tat-2018 FIFA World Cup. Huwa neċessarju għal kull min għandu biljett li jkollu FAN ID flimkien ma’ biljett validu ta’ partita sabiex jidħol fl-istadji ospitanti tal-partiti tat-2018 FIFA World Cup. Dettalji dwar l-applikazzjoni u l-ħruġ tal-FAN ID jinsabu fuq is-sit www.fan-id.ru.

Persuni li m’għandhomx biljett uffiċċjali tat-2018 FIFA World Cup iridu japplikaw għal viża biex jidħlu fir-Russja. Estensjonijiet tal-viżi Russi jiġu maħruġa biss fl-uffiċċji lokali tal-Ministeru għall-Affarijiet Interni. Il-viżas iridu jiġu mġedda fi żmien tliet ijiem qabel id-data ta’ skadenza.

Passaport għall-ivvjaġġar fir-Russja huwa mitlub f’kull kas. L-ivvjaġġaturi għandhom jaraw li l-passaport huwa validu għal sitt xhur sa mid-data tal-wasla fir-Russja.

Kull barrani, inklużi detenturi tal-FAN ID, huma soġġetti għall-proċeduri ta’ reġistrazzjoni. Mal-wasla fir-Russja, kull barrani jingħata karta tal-immigrazzjoni (karta bajda zgħira) li trid tiġi reġistrata ma’ kull uffiċċju relevanti tal-Ministeru tal-Affarijiet Interni tar-Russja jew kull uffiċċju tal-posta fi żmien 7 ijiem mill-wasla fir-Russja. Minkejja dan, waqt it-Tazza tad-Dinja, din ir-reġistazzjoni tista’ tiġi mwettqa mal-uffiċċju relevanti tal-Ministeru tal-Affarijiet Interni tar-Russja fi zmien 24 siegħa mill-wasla fir-Russja skont l-informazzjoni segwenti: f’Kazan, f’Moska, f’Saint Petersburg u Sochi mill-1 ta’ Ġunju sat-12 ta’ Lulju 2018; Volgograd, Yekaterinburg, Kazan, Kaliningrad, Moska, Nizhny Novgorog, Rostov-on-Don, Samara, Saint Petersburg, Saransk u Sochi mill-25 ta’ Mejju sal-25 ta’ Lulju 2018. Dawn il-miżuri jgħoddu għal kull barrani li jzur l-ibliet fil-perjodi ta’ żmien imsemmija hawn fuq.

Kull barrani għandu jġorr il-passaport u l-karta tal-immigrazzjoni fuqu f’kull ħin. Il-karta tal-immigrazzjoni għanda tiġi sottomessa għall-kontroll tal-passaport mal-ħruġ mill-pajjiż. It-telf tal-karta irid jiġi rrapurtat lill-puluzija. Eżempju tal-karta tal-migrazzjoni jista’ jinsab fuq is-sit http://www.saint-petersburg.com/russian-visa/migration-cards/migration-card/ Ksur tal-liġi tal-immigrazzjoni huwa soġġett għal ċitazzjonijiet għoljin u jistgħu jwasslu għal tkeċċija mill-pajjiż.

Huwa rrakkomandat li l-ivvjaġġaturi Maltin isegwu l-istruzzjonijiet tal-awtoritajiet lokali u jibqgħu aġġornati mal-iżviluppi mil-midja. Il-ivvjaġġaturi Maltin huma avżati wkoll li l-Karta tal-Assigurazzjoni tas-Saħħa Ewropea mhix valida fir-Russja, b’hekk  assigurazzjoni adegwata tal-ivjaġġar hija importanti.

F’kas ta’ diffikultà, ir-residenti Maltin jistgħu jikkuntattjaw l-Ambaxxata tal-Repubblika ta’ Malta f’Moska fil-koordinati segwenti:
L-Ambaxxata tar-Repubblika ta' Malta
219, Ent.8, Korovy Val 7, Moscow 119049, Russian Federation
Tel: 007 (499) 230 1981, 007 (499) 230 2524, 007 (499) 237 1939
Fax: 007 (499) 237 2158
Mob: 007 (963) 684 5238  
Email: maltaembassy.moscow@gov.mt

Sezzjoni tal-Viża
18/7 Donskaya Street, Moscow 119049
Tel.: 007 (495) 785 9920
Fax: 007 (499) 2372158
Mob: 007 (903) 729 9231 (Visa & Consular)
E-mail: visa.moscow@gov.mt

Il-Ministeru tal-Affarijiet Barranin u l-Promozzjoni tal-Kummerċ jista’ jiġi kkuntattjat fuq in-numru tat-telefon (+356) 21242191.



Dikjarazzjoni ta’ ċaħda ta’ responsabbilta’ legali

Il-pariri dwar vjaġġar maħruġa mill-Ministeru għall-Affarijiet Barranin u l-Promozzjoni tal-Kummerċ huwa servizz ta’ gwida għall-pubbliku. Dan huwa ntiż sabiex jgħin liċ-ċittadini Maltin jieħdu deċiżjonijiet infurmati qabel isiefru barra l-pajjiż. Pariri dwar vjaġġar huma mogħtija kif inhuma, mingħajr garanzija espliċita jew impliċita li l-pariri dwar vjaġġar fuq dan is-sit elettroniku jkunu disponibbli l-ħin kollu jew f’kull ħin, u li t-tagħrif mogħti huwa komplut jew aġġornat f’kull ħin. 

Il-Ministeru għall-Affarijiet Barranin u l-Promozzjoni tal-Kummerċ ma jiħux u ma jistax jieħu deċiżjonijiet għaċ-ċittadini Maltin dwar jekk, meta u kif għandhom jgħixu, jaħdmu, jew fejn jivvjaġġaw. Id-deċiżjoni biex tgħix, taħdem jew tivvjaġġa barra hija personali u għalhekk il-Ministeru mhu responsabbli għall-ebda deċiżjoni f’dan ir-rigward. Iċ-ċittadini Maltin huma responsabbli għas-sigurta’ tagħhom infushom, partikolarment kull fejn hemm sitwazzjoni ta’ sigurta’ inċerta. 


Kif iżżomm ruħek aġġornat bil-pariri dwar vjaġġar

Ċittadini Maltin jistgħu iżommu ruħhom aġġornati bil-pariri dwar vjaġġar billi jsegwu l-pariri dwar vjaġġar fuq is-sit elettroniku tal-Ministeru għall-Affarijiet Barranin u l-Promozzjoni tal-Kummerċ.


Kif tirreġistra mal-Ministeru għall-Affarijiet Barranin u l-Promozzjoni tal-Kummerċ għal skopijiet ta’ emerġenza

Ċittadini Maltin li jivvjaġġaw, jaħdmu jew jgħixu barra huma mħeġġa jirreġistraw mal-Ministeru għall-Affarijiet Barranin u l-Promozzjoni tal-Kummerċ billi jimlew u jissottomettu Formola D, li tinsab fil-paġna Maltin li jgħixu Barra​. It-tagħrif mogħti ser jgħinna nassistuk ajħar f’każ ta’ emerġenza meta tkun barra.
Indirizz
Ministeru għall-Affarijiet Barranin
u Promozzjoni tal-Kummerċ
Palazzo Parisio
Triq Il-Merkanti
Valletta, VLT 1171
Malta
Telefon
2124 2191
Fax
2123 6604
Email