In-network diplomatiku ta’ Malta jinsab f’pożizzjoni aktar b’saħħitha biex jikkontribwixxi għat-tkabbir ekonomiku ta’ Malta

Numru ta' Referenza:  , Data ta' l-Istqarrija : Ott 19, 2019
 

Il-Ministru għall-Affarijiet Barranin u Promozzjoni tal-Kummerċ, Carmelo Abela, qal li mill-espansjoni tal-portafoll tal-affarijiet barranin ta’ Malta biex jibda jinkludi l-promozzjoni tal-kummerċ ġabet bidla. Dan poġġa n-network diplomatiku ta’ Malta f’pożizzjoni aktar b’saħħitha biex jipparteċipa fit-tkabbir ekonomiku ta’ Malta, kemm f’termini li jattira investiment barrani, iżda wkoll fl-assistenza lill-kumpaniji lokali li jixtiequ jieħdu l-operazzjonijiet tagħhom fuq livell internazzjonali.

Il-Ministru Abela kien qed jitkellem fl-ewwel PiConference f’Malta li qed isir f’Palazzo Parisio fin-Naxxar. Huwa poġġa enfasi wkoll fuq l-importanza tat-teknoloġija biex taġixxi bħala waħda mis-soluzzjonijiet f’dan ir-rigward.

Huwa għamel referenza għall-miżura tal-Baġit 2020 imħabbar il-ġimgħa li għaddiet li jara lil Malta tinvesti €8.5 miljun fuq spell checker online għal-lingwa Maltija.

“Il-messaġġ mill-gvern lill-espatrijati f’pajjiżna huwa ċar: Irridu nifhmu l-kultura tagħna. Huwa wkoll importanti li wieħed jinnota l-opportunitajiet lit-tagħlim ta’ lingwa oħra toffri,” innota l-Ministru Abela.

Il-Ministru semma wkoll il-ħtieġa li jitpoġġew id-differenzi fil-qasam tal-lingwa peress li ħafna drabi jkun hemm l-ewwel ostakli li jeħtieġ li jitnaqqsu sabiex is-soċjetajiet jirnexxu.

Huwa kkonkluda billi qal li l-kompetenza diġitali hija neċessità llum il-ġurnata. Għaldaqstant jeħtieġ li noqogħdu attenti biex ma jkollniex sitwazzjoni li twassal għal digital divide fejn persuni li mhumiex kompetenti diġitalment jispiċċaw jiġu esklużi.




pr192228a.jpg



pr192228b.jpg



pr192228c.jpg



pr192228d.jpg